HATAW! D'yaryo ng Bayan hatawtabloid.com
MA at PA
ni Rommel Placente
SA guesting ni Cassy Legaspi sa Kapuso Artistambayan, kasama ang kakambal na si Mavy, inamin niya na na-diagnose siya ng hypothyroidism.
“I was fatigued, tapos intense falling hair. Sobra talaga! Tapos palagi akong nilalamig, parang may fever ako palagi, pero fever na nilalamig, parang ganoon,” sabi ni Cassy
Hindi rin niya maipaliwanag ang nararamdaman niya at palagi na lamang siyang maysakit.
“Hindi ko ma-explain, but I was always sick tapos, hindi ko na kaya mag-gym, mag-workout, at hindi na ako madaldal… Who is Cassy without being madaldal?”
Ngunit sa halip na ma-down ay tila nagkaroon pa si Cassy ng bagong mindset para sa kanyang fitness journey.
“Iyong friends ko and my family, napapansin nila, parang medyo tumamlay ako. So noong nagpa-check-up ako, I started thinking na, ‘Okay, I think ‘yung goal ko is, ayaw ko nang… gusto ko magpapayat, ganoon. I think my new goal is to be healthy.
“Eh noong na-change ‘yung mindset ko na gusto kong maging healthy, aba! Pak! Ganoon pala ‘yun, guys. Ganoon pala ‘yun. All this time,” kuwento pa ni Cassy.
At dahil doon, sinabi ng aktres sa sarili na hindi na niya goal ang pumayat bagkus ang maging malusog at malakas ang pangangatawan.
“Sabi ko talaga, ‘Alam mo, at this point, Cassandra, ‘wag ka nang magpapayat, maging healthy ka muna. Pagkatapos ng healthy, doon ka na maging sexy. Parang ganoon, may abs!’” aniya pa.
