PUSH NA’YAN
ni Ambet Nabus
NGAYONG nagsasalita na si Ai AIde las Alas na nadiskubre ngang may third party sa naging hiwalayan nila ni Gerald Sibayan, makinig na kaya siya sa payo ng mga nagmamahal na bawiin na ang green card ng huli?
Sa pinag-usapang socmed posts ni Ai Ai hinggil sa umano’y Pinay na mistress na nakakatagpo ng dating asawa sa Pinoy venues sa Amerika, marami ang nagpapayo rito na bawian na lang ng green card si Gerald.
Para raw magtanda, makabalik ng bansa, at maipakita ritong hindi madaling utuin ang isang Ai Ai.
Sa naging hiwalayan kasi ng dalawa, sinabi na ng comedian-actress na parang tulong na lang niya sa kanyang ex-hubby ang green card sa USA.
Pero sa latest development tungkol sa naging third party, mukhang mag-iiba raw ang ihip ng hangin.
Abangan.
