PUSH NA’YAN
ni Ambet Nabus
MAY cameo role si Belle Mariano sa Incognito.
Nakabibilib ‘yung pinaglalakad siya sa gubat ng walang sapin sa paa at ikinulong sa kuwadra ng mga hayop.
Si Aljur Abrenica naman ay may very short action scenes sa first episode bilang guard ni Belle. Agad siyang pinatay sa series and so is Cris Villanueva na gumanap bilang tatay ni Daniel Padilla (pero sa credits, naroon ang name niya unlike Aljur).
Nakita rin namin sina Polo Ravales, Dino Imperial, at Antonio Aquitania bilang mga kontrabida rin.
Ang tsika, kung may mga nababalitaan daw tayong mga artista na bumabalik sa GMA 7 gaya nina Vina Morales, Nikki Valdez, John Arcilla at iba pa, may mga tumatawid din sa ABS-CBN na balitang may matinding tampo sa network dahil hindi umano sila nabigyan ng kagayang mabigat na project?
