HATAW! D'yaryo ng Bayan hatawtabloid.com
SHOWBIZ KONEK
ni Maricris Valdez Nicasio
LABINGTATLONG TAON na palang walang dyowa si Piolo Pascual.
Ito ang pagbubuking ng Papa P sa sarili sa panayam sa kanya ni Toni Gonzaga sa YouTube online show nitong Toni Talks. Pero iginiit ni Piolo na hindi siya naghahanap ngayon ng karelasyon.
“Ang tagal na, eh. Hindi ko na alam ‘yung lovelife,” natatawang tsika ni Piolo kay Toni.
At dahil sa tagal na walang dyowa, may mga nagsasabi na mahihirapan na siyang makahanap.
“Sinabi sa akin ni Pastor Julius ‘yun, ‘the more you stay single, the more you’re gonna enjoy it, the more you’re not gonna look for it,” pagbabahagi ni Papa P.
Halos hindi naman makapaniwala si Toni sa narinig at sinabi ni Piolo.
“Lovelife ko talaga ‘yung trabaho ko, eh.”
Kaya naman ang sunod na tanong ni Toni, “So, ayaw mo na ng full-on commitment?”
Na sinagot ni Piolo ng, “Not for now.”
At natawa rito si Toni at sinabing, “PJ, not fo now? Twenty one years old ka ba?”
Na kaagad namang tumugon ang aktor ng, “Busy pa ako sa career ko, eh.”
“Totoo kasi, eh. You know, I love being single. I don’t see the point of being with someone, especially now because I’m so busy with work,” nangingiting depensa pa ni Piolo.
“I’m always with friends, I’m always with my family. And it’s not something that you know, I look for because…eh, nasanay na, eh,” paliwanag pa ni Piolo.
At dito na naitanong ni Toni ang mga katangiang hinahanap ni Piolo sa isang babae.
“Christian muna. Family-oriented, siyempre, dapat ‘yung mabait. Hindi full of herself. Hindi ‘yung ‘me, myself, and I.’”
O hayan, baka ikaw na ang hinahanap ni Piolo. Simple lang naman pala ang gusto niya sa babae. Sana ay mahanap na ni Papa P ang babaeng ito.
