Aga mapapamura ka sa galing

RATED R
ni Rommel Gonzales

NAIMBITAHAN kami ng Mentorque Productions, thru colleague Reggee Bonoan sa block screening for the press para sa pelikulang Uninvited.

Si Ms. Vilma Santos-Recto ang bida sa Uninvited, at ang masasabi namin ay mula noon hanggang ngayon, Vilma Santos is Vilma Santos.

Si Aga Muhlach, mapapa-p_tang ina ka sa husay, ngayon lang namin siya napanood sa ganoong klase ng karakter.

Salbahe, mal_bog, walanghiya, na taliwas sa tunay na Aga.

Iyong Nadine Lustre, suwabe, class, bitchy na malandi, ang husay din.

Baguhan pa lamang si Ron Angeles, pero nakitaan na namin ng napakalaking potensyal, kapag naalagaan nang husto, puwedeng maging big star.

Napakaguwapo sa screen lalo na sa personal, bukod pa sa nakakaarte.

Mahuhusay na suporta sina Gabby Padilla, Elijah Canlas, at Lotlot de Leon, naiigsian lang kami sa papel ng tatlo, lalo na ni Lotlot.

Pero kung hindi naging maikli ang papel nina Gabby at Elijah, walang iikutan ang kuwento.

Ang pelikula, maganda, kakaiba, naitawid ng direktor ng Uninvited na si Dan Villegas na maayos ang pagkakalahad ng kuwento na totoo nga, naganap lamang sa loob ng 24 oras.

Kaya happy kami na hindi kami Uninvited sa pelikula. Totoo, maganda ang lineup this year.