MATABIL
ni John Fontanilla
HINDI issue sa very supportive boyfriend ni Nadine Lustre na si Christophe Bariou ang kissing scene ng kanyang GF sa pelikulang Uninvited ng Mentorque Productions at entry sa 2024 Metro Manila Film Festival.
Ipinagpaalam naman daw ni Nadine sa kanya ang nasabing eksena bago nito gawin.
Tsika ni Christophe, “for me, it’s very interesting to be behind the scenes.
“I’ve seen her kissing scenes. For me, it’s almost funny.”
Hanggang sa pagnenegosyo ay tandem silang dalawa kaya naman bilib si Christophe kay Nadine sa sobrang sipag.
“She’s probably, by far, the most hardworking person I’ve ever met.
“I cook a lot for her, I help her also. We try to make the decisions together.”
Excited na nga ito na mapanood ang kabuuan ng pelikulang Uninvited lalo’t marami ang nagsasabi sa kanya kung gaano kahusay ang GF sa movie.
Kasama ni Nadine sa Uninvited sina Aga Muhlach, Vilma Santos, Ron Angeles, Tirso Cruz III, Mylene Dizon, Rk Bagatsing, Cholo Barretto atbp. Mapapanood sa Dec. 25, hatid ng Mentorque Productions ni Bryan Dy, directed by Dan Villegas.
