Maris ipinagtanggol, glam team naloko rin daw

MA at PA
ni Rommel Placente

NALOKO rin umano ang glam team ni Maris Racal ni Anthony Jennings.

Ang sinabi raw kasi sa kanila ng aktor, single siya, at recently lang nila nalaman na wala pala iyong katotohanan nang ibunyag ni Maris na napaniwala siya ni Anthony na hiwalay na ito kay Jam Villanueva, kaya nakipagrelasyon siya sa binata.

Ang pagbubunyag na ‘yan ay ibinandera ng celebrity stylist ng aktres na si Adrianne Concepcion.

“Single, ‘yan ang pagkakaalam naming lahat,” bungad ni Adrianne sa Instagram Story.

Aniya pa, “Ang mga detalye ng panloloko at pangangaliwa, nalaman lang namin kasabay ng publiko.

“We had no knowledge, no consent, or have condoned to any wrongdoing. And that is our truth.”

Kasunod niyan ay sinabi rin niya na naninindigan siya sa lahat ng kababaihan na dumaan sa anumang uri ng gastlighting, panloloko, at pagtataksil.

“That is something I have never enabled, and will never approve of,” giit niya.

Mensahe pa niya para kay Maris, “Mahigpit na yakap. Alam namin ang katotohanan, and we will rally behind you.”