HATAW! D'yaryo ng Bayan hatawtabloid.com
ALAM MO NA!
ni Nonie Nicasio
SA Facebook account ng aktres/beauty queen na si Yuki Sonoda ay nabanggit niyang handa na siyang mas mag-focus sa kanyang showbiz career ngayon.
“Now it’s time to focus on my acting career
Currently in Queenstown New Zealand filming Lost and Found movie I’m so grateful for this opportunity especially since it’s with ViPE STUDIOS and 3:16 Media Network and the award winning director Louie Ignacio. Wish me luck.”
Dahil dito’y nag-message kami kay Yuki at inusisa siya kung masasabi ba niyang magandang buwena mano itong Lost and Found sa pagiging mas focus na niya ngayon sa kanyang acting career?
Esplika niya, “I’ve been doing pageants in between pero since graduate na po ako sa pageants, time to focus na po talaga sa acting.”
Dagdag pa ni Yuki, “Nauna po yung sa Die Father Thy Son movie (starring JC Santos) pero this is also one of the movies that I want everyone to watch.”
Bukod kay Yuki, ang Lost and Found ay tinatampukan nina Paolo Contis, Kelley Day, at Quinn Carrillo. Mula sa pamamahala ng award-winning director na si Louie Ignacio, ito ay hatid ng 3:16 Media Network ni Ms. Len Carrillo at Vipe Studios.
Nagkuwento pa si Yuki hinggil sa kanilang pelikula na tinatapos na nila ngayon sa New Zealand.
“Sa movie, ako po si Hannah na pumunta sa Queenstown para maging adventurous
“Drama po ang tema nitong aming movie, but I’m not sure po kung saan ipapalabas.”
Ano naman ang masasabi niya sa kanyang co-stars dito?
Pahayag niya, “First of all, Paolo Contis is so good to work with. He is a veteran so I was amazed talaga the moment he acted… medyo kinabahan po ako. Kelley naman po I do not have scenes with her dito sa movie, pero we became close to each other during our shoot here in NZ like sisters, kasi magkasama po kami everyday.
“Si Quinn naman po, I’m really close to her ever since I joined Nay Len’s management. But I get so amazed palagi since she is not only acting, but also she is an amazing writer and AD (Assistant Director),” nakangiting sambit pa ni Yuki.
Bakit ganoon ang title?
“Lost and Found means a lot of things in this movie po e… it’s a story about three people and a drama about their lives.”
Anyway, sa mga hindi aware, una niyang ginamit na screen name ay Yana Fuentes nang siya ay contract artist pa ng isang movie company. Then naging Yana Sonoda ito and finally, ngayon ay Yuki Sonoda na ang screen name niya.
