Pamunuan ng News and Current Affairs ng TV5 nagkaroon ng masinsinan at seryosong pag-uusap

PUSH NA’YAN
ni Ambet Nabus

SERYOSO nga raw si Senator Raffy Tulfo sa naging hamon nitong mag-resign sa show niya sa TV5 kapag nakita nitong walang gagawing imbestigasyon ang pamunuan ng News and Current Affairs.

Kaugnay nga ito sa naging sexual harassment complaint na idinulog sa programa ni Sen. Tulfo na naganap between a top TV5 program manager at bagitong talent nila.

Nagkaroon ng ‘hall meeting/assembly’ ang naturang department ng TV5 last Monday at ayon sa aming sources, “masinsinan, seryoso, at soon ay maglalabas ng official statement” ang network hinggil sa pangyayari.

Naitsika rin ng amin ng aming source na kinausap na umano ng ilang matataas na lider ng network ang Senador.

Abangan!