Sunday , July 14 2024
Dingdong Dantes Aktor PH

Isang taon pagsala sa idedeklarang Pambansang Alagad ng Sining 

PUSH NA’YAN
ni Ambet Nabus

ANG bilis ng panahon. July na pala, and before we knew, maidedeklara na ngang Pambansang Alagad ng Sining ang ating pinakamamahal na Star for All Seasons, Ms. Vilma Santos-Recto.

Ayon sa NCCA (National Commission for Culture and the Arts), ang komisyon na namamahala para sa aspetong ito sa ilalim ng Presidential Decree 1001 noong 1972, tatakbo ng halos isang taon ang pagsasala, pag-rerebyu, at pag-validate ng mga nominasyon sa kanilang tanggapan.

After nga ng June 30, 2024 deadline para sa lahat ng nagsumite ng nomination mula sa iba’t ibang larangan, kukuha ng non-government and non-partisan research group ang NCCA para rebyuhin, i-verify at i-validate sa loob ng anim na buwan ang lahat ng mga attachment-documents ng bawat nominee.

Kaya kung mayroong dinoktor o mga fake na paper na makita ang nasabing grupo, subject for disapproval o di kaya’y magpapahina ito ng chance para sa susunod na level.

At doon na nga papasok ang another six months na may tatlong level na pagdaraanan ang bawat na-validate na nominee sa bawat kategorya bago tuluyang may mapiling nanalo.

And after niyon pa lang isusumite ng NCCA ang resulta sa office of the President na may powers ngang mag-reject at mag-approve ng resulta na galing sa NCCA.

Ang AKTOR.ph nga ni Dingdong Dantes ang nangunang institusyon na nag-nomina kay Ate Vi kasama ang mahigit na 20 (at patuloy pang nadaragdagan) endorsement na galing sa mga grupo mula sa Academe, NGO’s, individuals, cause-oriented groups etc. Sa dami ng mga grupong nagtitiwala at naniniwalang dumating na rin ang time ng isang Vilma Santos, whose body of work, contributions, advocacies and legacies speak a lot about her being a national treasure, saan ka pa? At dahil higit pa ngang na-meet ang lahat ng criteria ng NCCA para sa naturang karangalan, sino pa ba tayo para magtaas ng kilay?

O hayan ha, malinaw ang mga prosesong pagdaraanan ng bawat nominasyon kaya ‘yung mga maiingay diyan at mga nagmamagaling sa kung paano ito pinipili, manahimik po kayo at pag-aralang mabuti ang istruktura.

About Ambet Nabus

Check Also

Stell Ajero Julie Anne San Jose Gary Valenciano Pablo Nase SB19

Pablo at Gary V tampok sa Julie X Stell concert

RATED Rni Rommel Gonzales MARAMI na ang excited at talaga namang nakaabang sa nalalapit na Julie …

Dapat Alam Mo Susan Enriquez Kuya Kim Atienza.

Tandem nina Susan at Kuya Kim winner sa viewers

RATED Rni Rommel Gonzales MA-ENTERTAIN habang natututo ng maraming bagay Ito ang hatid ng  news magazine …

Kapuso Mo, Jessica Soho KMJS

KMJS paboritong programa ng pamilyang Filipino

RATED Rni Rommel Gonzales PATULOY ang Kapuso Mo, Jessica Soho (KMJS) sa pagiging Sunday viewing habit ng …

Elia Ilano Francisco Marto Jacinta Marto

Elia Ilano bibida sa Miracle of Fatima Musical Play

MATABILni John Fontanilla DREAM come true para sa  FAMAS at PMPC Star Awards for Movies Best Child Actress na …

BI7IB Raymond RS Francisco Atty Aldwin Alegre Atty Honey Quiño

Newbie P-Pop boy group gustong makilala international tulad ng SB19

MARAMING plano ang AQ Prime Music, ang management ng P-Pop Boy Group, ang BI7IB na may bagong single na Say …