Friday , July 12 2024
Njel de Mesa Malditas in the Maldives

Direk Njel may pa-test screening, ‘Wabi-sabi’ pinaiiral

HARD TALK
ni Pilar Mateo

TEST screenings. ‘Yan ang pauso niya sa kanyang mga pelikula.

Ang paniwala kasi ni Direk Njel de Mesa, walang masama na maimpluwensiyahan siya ng mga kritiko, miyembro ng entertainment press, mga kasamahan sa  industriya ng pelikula sa anumang masasabi lalo na kung kailangan pang mapaganda ang pelikula niya. Kahit pa nagawaran na ito ng parangal sa Japan.

Natutunan at pinaniwalaan ko ang isang kasabihan sa Japan. Wabi-sabi. Nothing is ever finished or perfect. Ako, hindi perfection ang hinahabol ko but excellence. Just so to polish my works kaya ako nagpapa-test screening. Bago maipakita sa mas maraming tao.”

Direk  Njel is a Palanca awardee sa ilan niyang mga naisulat na piyesa. 

Itong patuloy niyang ipinapa-test screen na Malditas in the Maldives ay nagtamo na ng mga parangal sa katatapos na Jinseo Arigato Film Festival sa Japan. Si Arci Muñoz ay nagwagi bilang Best International Film Actress, si Kiray as Most Versatile Comedienne, at si Direk Njel as Best International Director. 

Kaya sa kabila ng mga request na ipalabas na niya ito, mimabuti muna ng direktor na magdaos ng test screenings para sa ikagaganda pa ng kanyang pelikula.

Marami akong natutunan sa screening namin sa Japan. Napansin ko kung ano ang mga joke na bumebenta at hindi. Kung saan lumalaylay at saan sila pumapalakpak. Kaya gusto ko ring malaman ang opinyon ng marami  with the test screens we do.”

Kaya kapag naman na-polish ito nang husto ng NDM Productions ni direk Njel ipadadala na ito sa Netflix agad-agad. 

Pinansin ang pagiging glossy ng pelikula at mahusay na pagganap ng tatlong bida. Arci, Kiray, at Janelle Tee. Nagiging versatile sa pagpapatawa si Arci. Sumasabay pa si Kiray na napagsasama ang drama at komedi. Si Janelle naman na tinatalikuran ang pagpapaseksi ay may future na ipinamamalas sa pagda/drama.

Habang pinanonood mo ang pelikula, sumasaliw ka sa katatawanan na ibinabahagi ng mga bida, mabubuksan pa ang mas maraming layers na nakapaloob sa istorya nila. May eksenang iihitin ka na sa katatawa at babaliin ang emosyon mo sa ibabahagi pa sa kuwento nila.

May bahaging nakaiiyak.  Dahil hugot ito sa tunay na buhay. At sa dulo ng pelikula, lalabas kang masaya sa isang pelikulang gusto mong sana, hindi lang ikaw at mga nakasama mo sa test screening na ‘yun ang makapanood kundi mas marami pang mga tao. Sa sinehan man o sa streaming.

Promise! Hindi ka mabu-bore! 

Isa pa lang ito sa marami pang mga pelikula ni Direk Njel na ibabahagi sa ating mga manonood.

About Pilar Mateo

Check Also

Stell Ajero Julie Anne San Jose Gary Valenciano Pablo Nase SB19

Pablo at Gary V tampok sa Julie X Stell concert

RATED Rni Rommel Gonzales MARAMI na ang excited at talaga namang nakaabang sa nalalapit na Julie …

Dapat Alam Mo Susan Enriquez Kuya Kim Atienza.

Tandem nina Susan at Kuya Kim winner sa viewers

RATED Rni Rommel Gonzales MA-ENTERTAIN habang natututo ng maraming bagay Ito ang hatid ng  news magazine …

Kapuso Mo, Jessica Soho KMJS

KMJS paboritong programa ng pamilyang Filipino

RATED Rni Rommel Gonzales PATULOY ang Kapuso Mo, Jessica Soho (KMJS) sa pagiging Sunday viewing habit ng …

Elia Ilano Francisco Marto Jacinta Marto

Elia Ilano bibida sa Miracle of Fatima Musical Play

MATABILni John Fontanilla DREAM come true para sa  FAMAS at PMPC Star Awards for Movies Best Child Actress na …

BI7IB Raymond RS Francisco Atty Aldwin Alegre Atty Honey Quiño

Newbie P-Pop boy group gustong makilala international tulad ng SB19

MARAMING plano ang AQ Prime Music, ang management ng P-Pop Boy Group, ang BI7IB na may bagong single na Say …