Darren at Kyle may hidwaan? (Sa ‘di pagdalo sa birthday bash)
MA at PA
ni Rommel Placente
NOONG isinelebreyt ni Kyle Echarri ang kanyang ika-21 taong kaarawan kamakailan na ginanap sa isang hotel sa Makati, ay dinaluhan ito ng kanyang mga kaibigan tulad nina Andrea Brillantes, Miggy Jimenez, Cassy Legaspi, Grae Fernandez, Alexa Ilacad, KD Estrada, Leon Barretto, Frankie Pangilinan, Bailey Mayat mga ehekutibo ng ABS-CBN at Cornerstone Entertainment, na kanyang management.
Sa isang portal, napansin naman ng mga mahadera na wala sa nasabing pagtitipon ang kaibigan nitong si Darren Espanto kaya naman iniisyu na may feud umano ang dalawa.
Ito ang ilang hirit ng mga katkatera at sawsawera sa kawalan ni Darren sa birthday bash ni Kyle.
“Di ba best friends sila since “The Voice.” Bakit wala si Darren?”
“Oo nga. Feeling ko, di na sila friends.”
“Hindi rin kasama si Kyle sa nag-perform sa concert noon ni Darren.”
“Baka naman hindi invited.”
“Weh. Wala kahit moral support?”
“Wala na si Kyle sa circle of friends ni Darren.”
“Pansin ko rin, mula nang makasama ni Kyle si JK Labajo sa “Senior High” at “High Street”, di na rin sila naging close. Eh, di ba may isyu sina JK at Darren?”
“Wow, guest si Cassy pero waley si Darren.”
Well, hindi naman kaya may previous appointment si Darren that time, kaya hindi siya nakapunta sa birthday ni Kyle?
