MATABIL
ni John Fontanilla
HINDI na nga maitatago pa ang kasikatan ng social media viral pares vendor na si Diwata na mula social media hangang telebisyon ay napasok na ang pag-arte sa pamamagitan ng FPJ’s Batang Quiapo at ngayon ang pagsasagala.
Sa katatapos na sagalahan ng mga member ng LGBTQIA+ sa Malabon, isa sa naging main attraction at talaga namang pinagkaguluhan si Diwata.
Ito ang kauna-unahang pagkakataon na nakapag-sagala si Diwata kaya naman magkahalong kaba at saya ang kanyang naramdaman.
“Well, excited at medyo kinakabahan, charing lang. Okay lang, masaya. First time ko rumampa ng ganitong mga Reyna Elena,” ani Diwata.
At dahil nga sa nerbiyos ay ginutom ito habang nagpu- prusiyon kaya naman walang kiyeme itong kumain ng fried chicken.
