Tuesday , June 25 2024
knife saksak

Umawat sa away
KUYA PATAY, UTOL SUGATAN SA PANANAKSAK

PATAY ang isang kuya, habang sugatan ang kanyang nakababatang kapatid matapos pagsasaksakin ng isa sa apat na kalugar nang umawat sa away ang mga biktima sa Malabon City, kamakalawa ng gabi.

Dead on arrival sa Makatao hospital ang biktimang kinilalang  si Marlon Dollete, 36 anyos, sanhi ng tatlong malalalim ng tama ng saksak sa katawan, habang ginagamot sa Tondo Medical Center (TMC)  sanhi ng saksak ssa ibabang bahagi ng dibdib ang kanyang kapatid na kinilalang si Flaviano, 27 anyos, kapwa residente sa Block 15, Lot 17, Karisma Ville, Brgy. Panghulo ng nasabing lungsod.

Nakapiit ngayon habang nahaharap sa kaukulang kaso ang mga suspek na sina alyas Ryan, 18, alyas Joven, 28, at alyas Seth, 27, habang pinaghahanap ng pulisya si alyas Samboy, nasa hustong gulang, pawang residente sa Alley 9, Karisma, Brgy. Panghulo.

Sa ulat nina P/SSgt. Jeric Tindugan at P/SSgt. Allan Bermejo, Jr., kay Malabon City police chief P/Col. Jay Baybayan, dakong 6:40 pm nang maganap ang insidente sa Karisma Village, Road 4, Brgy. Panghulo.

Sa pahayag ng mga saksi sa pulisya, nag-iinuman ang mga suspek malapit sa naturang lugar nang isang alyas Roderick na nangungupahan sa isang apartment sa lugar ang nagbabala sa kanila na ikinagalit at hinanap si Roderick.

Nang makita, sinapak ni ‘Ryan’ sa mukha si ‘Roderick’ hanggang umawat ang iba pang mga nangungupahan kabilang ang magkapatid ngunit pinagtulungang hawakan ng tatlo sa mga suspek ang mga biktima bago pinagsasaksak ni Samboy.

Matapos ang insidente, mabilis na tumakas ang mga suspek subalit, naaresto sa follow-up operation ang tatlo sa kanila at nakompiska ang isang bolo habang isinugod ang mga biktima sa nasabing pagamutan ngunit hindi na umabot nang buhay si Marlon, samantala, inilipat sa TMC hospital ang kanyang kapatid. (ROMMEL SALES)

About Rommel Sales

Check Also

arrest, posas, fingerprints

No. 3 MWP ng Leyte  
NAARESTO SA CALOOCAN

ARESTADO ang isang lola na nakatala bilang No. 3 most wanted person (MWP) sa Leyte …

shabu drug arrest

P.2M shabu kompiskado  
BEBOT, ISA PA, TIKLO SA VALE AT KANKALOO

DALAWANG pinaghihinalaang tulak ng ilegal na droga, kabilang ang isang bebot ang inaresto matapos makuhaan …

SAF hinikayat ni Cayetano para sa ‘transformative’ role sa bansa

PARA kay Senator Alan Peter Cayetano, maaaring makakuha ng inspirasyon ang ating mga kababayan mula …

MATATAG curriculum

Creative & critical thinking ng Pinoy students inaasahang patatalasin ng MATATAG curriculum

KOMPIYANSA si Senador Win Gatchalian na tataas ang antas ng creative at critical thinking skills …

prison rape

Most wanted sa statutory rape
68-ANYOS LOLO TIMBOG SA VALE

REHAS na bakal ang kinasadlakan ng isang lolo na wanted sa tatlong bilang ng kasong …