Blacklisted Malaysian nagtangkang pumuslit arestado sa NAIA
INARESTO ng Bureau of Immigration (BI) ang isang blacklisted Malaysian national na nakatakdang sumibat papuntang Kuala Lumpur.
Sinabi ni Immigration Commissioner Norman Tansinco, nahuli ang 38-anyos Malaysian na si Chong Wei Keong, matapos magbigay ng impormasyon sa BI ang mga impormante tungkol sa kanyang nalalapit na pag-alis sa bansa.
Nabatid na si Chong ay na-blacklist ng BI noong nakaraang taon matapos siyang tanggihan ng mga opisyal ng Immigration dahil sa kabiguan nitong ipaliwanag ang layunin niya sa paglalakbay sa Filipinas.
Nakakulong na si Chong a BI warden facility sa Camp Bagong Diwa, Taguig City habang nakabinbin ang deportation proceedings. (NIÑO ACLAN)
