Produ ni Piolo sumabak sa clothing buss, sinuportahan ni Ate Vi

HARD TALK
ni Pilar Mateo

HIS mind is not just filled with ideas.  But brims with so many plans. 

‘Yung aakalain mong simpleng taong nakilala namin at naging boss din katuwang ang 3:16 Media Entertainment ni Len Carillo para sa MMFF 2022 entry na My Father, Myself eh, talagang tutok na ang puso’t utak sa pinasok niyang industriya. Si Bryan Dy.

Did he learn the ropes the hard way? Pwedeng sabihin. 

At sa natutunan niya umalagwa ito sa pagsugal sa binuong Mentorque Productions na nakagalaw siya at naikutan ang mga planong binuo kasama ang kanyang team.

Mentorque you have come a long way. Sabi nga niya. Nag-Mallari. Suntok sa buwan ‘yun. Aba, umabot sa Amerika. At ngayon, nag-iikot sa  Singapore at Hongkong para mapanood ng ating mga kababayan.

Say niya, “Hindi pa rin ako makapaniwala hanggang ngayon. Akala ng marami sinuwerte lang tayo. Pero before it came to this it was years of struggle and success. Nag-uumpisa lahat ‘yan sa pangarap. Posible pala.

“Sabi nga ni Catriona Gray: ‘I stand here today because someone believed in me and we owe it to our children to believe in them.

“Reminder, there are also non-believers who will even go extra mile just to stop you. Pero never ever give up. Put all your energy and love to those who believe in you. Salamat po sa lahat ng nagtiwala, at patuloy na nagtitiwala. 🙏🙏🙏.”

Noong nasa Amerika siya, para sa isang film festival na umani ng tagumpay ang kanyang pelikula, hindi nagpahinga ang utak nito. 

Parang gulong na umiikot ang utak. Dahil pag-uwi niya, he mounted the biggest event in Lipa, Batangas with the support of Senator Ralph Recto and kahit private citizen na eh, nananatili pa ring Ina ng Lipa na Star for All Seasons na si Vilma Santos at anak na si Christian Ryan.

Tatlong araw at gabi. It was a blast. Kaya ipinagmamalaki siyang tunay ng Lipa.

Gym lang ang pahinga.

At habang inaayos ang event sa isang sulok ng programa niya, rumarampa naman sa pictorial ang ‘sangkaterbang modelo para sa ilulunsad niyang clothing line.

Ang Asia’s Rising Star (na si Piolo Pascual ang nagbinyag) na si Janella Salvador ang kinuha niyang endorser along with several topnotch models in the industry. World-class ang dating na ginawa ng kanyang team.

“Matagal na naming pangarap na magkakaibigan ‘yan. Eto na. Into fruition. And we’re so happy dahil alam naming hindi kami mapapahiya sa produktony ihahain namin sa merkado.”

Shirts and hoodies na kahit anong panahon eh, pwedeng gamitin.

At ang proud partners niya ay kinabibilangan nina Vinz Edward Nario, Lance De Chavez and JJ Virrey.

A million dollar mind is what’s churning in the lad’s brain. Ang kanyang mantra “Embrace the Infinite!”

Eh, may bago na ngang pelikulang niluluto.