HATAW! D'yaryo ng Bayan hatawtabloid.com
DALAWA katao kabilang ang isang konsehal, ang naaresto ng mga ahente ng Philippine Drug Enforcement Agency (PDEA) makaraang makompiskahan ng P6.8 milyong halaga ng shabu sa isinagawang buybust operation sa Quezon City nitong Miyerkoles ng gabi.
Sa ulat ng PDEA, pinangunahan ng PDEA National Capital Regional Office ang operasyon na nagresulta sa pagkakadakip kina Norhan Haron Ampuan, 31 anyos, No. 3 Municipal Councilor sa Maguing, Lanao del Sur; at Jalanie Haron Mama, 30 anyos.
Nadakip ang dalawa nitong Miyerkoles, 13 Marso 2024, dakong 8:45 pm sa kahabaan ng Don A. Roces Ave., Brgy. Paligsahan, Quezon City.
Nakuha sa mga suspek ang isang kilong shabu na nakalagay sa plastic sachet na nagkakahalaga ng P6,800,000.
Kakasuhan ang dalawa sa paglabag sa Section 5 in relation to section 26, Art. Il ng RA 9165. (ALMAR DANGUILAN)
