RATED R
ni Rommel Gonzales
SI Laurice Guillen ang direktor ni Gina Alajar sa Asawa Ng Asawa Ko ng GMA.
Pero hindi pa naididirehe ni Gina si Laurice dahil natatakot siya na maging direktor ng huli.
“Hindi pa, ‘katakot! “Nakakatakot ‘yun,” ani Gina.
Bakit naman nakakatakot? Tatanggihan ba niya kung sakali?
“Hindi naman, kaya lang nenerbiyosin ako,” bulalas ni Gina.
Dahil?
“Of course, kasi mayroon siyang standard…kasi she’s Laurice Guillen, she’s you know, ano siya, magaling siya, marunong siya, ‘di ba?
“Hindi ko… hindi ko inilalagay ang sarili ko na kapantay ko siya, kasi ako parang… compared sa aming dalawa, I’m still a newbie compared to her,” pahayag ni Gina na gumaganap na Carmen sa serye.
“‘Yung wala akong alam sa lahat ng nalalaman niya, compared sa kanya…”
Samantala, lead stars dito sina Jasmine Curtis Smith as Cristy, Rayver Cruz as Jordan, Liezel Lopezas Shaira, Joem Bascon as Leon, at Martin del Rosario bilang Jeff.
Tampok din sina Kzhoebe Baker as Tori, Mariz Ricketts as Pusit, Jennifer Maravilla as Sawa, Patricia Coma as Pusa, Luis Hontiveros as Alakdan, Kim de Leon as Kuwago, Quinn Carillo as Leslie, Crystal Paras as Nonette, Billie Hakenson as Buwaya, Ian Ignacio as Igat, at Bruce Roeland as Bakulaw.
Mapapanood tuwing 9:35 p.m. sa GMA Prime.
