Sanya karir muna ang uunahin bago lovelife

MATABIL
ni John Fontanilla

MAS priority ngayon ni Sanya Lopez ang career over lovelife.

Tsika nito sa isang interview, “Parang hindi pa ako umabot sa part na gustong-gusto ko na [lovelife] ‘yung parang sige na ibigay niyo na sa kin ‘to, hindi pa naman ako umabot sa ganon.”

Dagdag pa nito, “Ayoko rin namang umabot kasi so far lahat ng nangyayari sa akin happy talaga ako. 

“Hanggang ngayon hindi pa ibinibigay sa atin, ang sabi raw kapag suwerte ka sa career talagang pagdating sa love life mailap.

“Parang ang hirap pumasok sa isang love life na hindi mo maibigay ‘yung tamang oras para sa kanya.

“Parang nabanggit ko ‘yun before na kapag may ibinigay sa akin isang bagay focus talaga ako roon.

“Kaya noong ibinigay sa kin ‘yung trabaho talagang tutok ako rito.”

Hindi naman nagmamadaling magka-lovelife si Sanya, naniniwala ito na may right time para rito dahil kung para sa ‘yo, kusang darating ito ng hindi hinahanap. 

Ang mahalaga ay bongga ang kanyang karir at happy naman siya sa pagmamahal na ibinibigay ng kanyang pamilya, kaibigan at ng kanyang avid  fans.