HATAW! D'yaryo ng Bayan hatawtabloid.com
PUSH NA’YAN
ni Ambet Nabus
TILA naipit si Donny Pangilinan sa sitwasyong nakukuwestiyon ang loyalty nito sa love team nila ni Belle Mariano.
May mga DonBelle supporter kasing nagsasabing parang ginagamit lang ng aktor si Belle dahil hindi nito madiretso ang mga plano niya sa kanyang career.
Kahit ang sinasabing viral video nila ni Kathryn Bernardo noong kasal ni Robi Domingo ay hindi umano maikuwento ng maayos ng aktor.
Hay, nakakalokang mga fandom talaga noh. Parang feeling nila talaga ay hawak nila sa leeg ang kanilang mga idolo.
Pati nga ang latest movie venture ni Donny na GG (Good Game) ay hinahaluan ng intriga.
Family venture ng Pangilinan ang esport movie na ito at hindi naman ito ‘yung pang-love team kumbaga. May sarili itong adbokasiya at 100% talaga ay tungkol sa mga gamer at kung paano itong nagiging karir, isyu sa pamilya, at mga usaping team games.
Sure naman kaming happy si Belle sa karir ng kapartner niya kung paanong ganoon din si Donny kay Belle.
At dahil confident and positive ang bumubuo ng pelikula dahil sa epekto ng Metro Manila Film Festivalmovies, sana naman daw ay bigyang pansin ang pelikula na showing na sa January 24.
“It’s a barkad movie, family movie and for those that want to understand the life of a gamer, even the non-gamers will appreciate this movie,” hirit pa ni Donny.
