MATABIL
ni John Fontanilla
SUPER proud ang baguhang actor at singer na si John Gabriel na nakasama niya sa pelikula sina Vilma Santos at Christopher De Leon sa pelikulang When I Met You In Tokyo na entry ng JG Productions sa 2023 Metro Manila Film Festival.
Hindi inakala ni John Gabriel na makakatrabaho niya ang dalawa sa pinaka-mahusay na actor sa bansa, na dati lang ay napapanood niya sa telebisyon at pelikula noong bata pa siya.
Happy din ito na nakatrabaho niya sina Lot Lot De Leon, Gina Alajar, Kakai Bautista, Sandy Andolong at maging ang kapwa niya bagets na sina Cassy Legaspi at Darren Espanto na pinasok na rin ang pag-arte mula sa pagiging mahusay na singer.
Saludo nga ito sa mga nakatrabahong veteran actor dahil sobrang mababait sa katulad niyang baguhan sa industriya.
Ang When I Met You In Tokyo ay hatid ng JG Productions nina Rowena Jamaji, Karishma Gidwani, at Redgie Magno at idinirehe nina Rado Peru at Rommel Penza. Showing sa lahat ng sinehan nationwide sa Dec. 25. Christmas Day!
