Derek itinanggi, Sarah duguang pumunta sa kanilang bahay

MA at PA
ni Rommel Placente

SA panayam ni Tita Cristy Fermin sa kanilang show kay Derek Ramsay, mariin niyang pinabulaanan ang mga kumakalat na balitang duguang pumunta sa bahay sa Ayala, Alabang, si Sarah Lahbati.

Magkapitbahay kasi ang mag-asawang Derek- Ellen, at si Sarah at ang mister nitong si Richard Gutierrez.

Ayon kay Derek, magkaibigan si Sarah at ang best friend ni Ellen si Vito Selma. Si Vito ay isang tanyag na furniture designer mula Cebu.

Sabi ni Derek, “Si Sarah ay pumupunta rito sa bahay dahil kaibigan niya ‘yung best friend ni Ellen. At ang anak ni Sarah at anak namin ay nagpupunta sa same school. So, ‘yung duguan na ‘yan, ewan ko ba. Ewan ko saan nanggaling ‘yan.

“Basta si Sarah, parang two times pa lang, three times nagpunta rito (sa kanilang bahay) para bisitahin si Vito na best friend ni Ellen, kasi may colab din sila sa furniture.”paliwanag pa ni Derek.