MATABIL
ni John Fontanilla
BENTANG-BENTA sa netizens ang biro ni Darren Espanto sa katatapos na Parade of Stars ng Metro Manila Film Festival 2023 na ginawa noong Sabado.
Ibinahagi ni Darren sa X ( dating twitter ) ang larawan niya na aktong ihahagis ang mga t-shirt na giveaways ng pelikula niyang When I Met You In Tokyo na isa sa entry sa MMFF na may caption na “BILI NA PO KAYO. T-SHIRT, ₱200 LANG.”
Dagdag pa nito, “Hindi pa nagsisimula ‘tong parade, naging sando na agad yung t-shirt ko.”
Komento nga ng netizens sa naging post ni Darren.
“Mas gusto ko bilhin ung buhok sa kili-kili mo D.”
“Pa-mine po kami sa nagtitinda.”
“Bakit may pakili kili? Hehe.”
“Ano deodorant ni Darren?”
“Ay naku!! Mauubos agad ang paninda kung ganyan ka-hot ang nagbebenta!”
Mapapanood ang When I Met You In Tokyo sa Dec. 25 sa mga sinehan nationwide, hatid ng JG Productions.
