Zeinab Harake at Derek nagkagatan ng labi 

I-FLEX
ni Jun Nardo

WILD kung wild ang bakbakan sa kama nina Derek Ramsay at ang influencer na si Zeinab Harake sa festival movie ng Quantum Films na Kampon na simulang mapapanood sa December 25.

Ayon kay Derek, wild ang scenes nila ni Zeinab dahil lust at one night stand lang ang lampungan nila.

May mga kagat labi raw at talagang bigay na bigay sila. Sey naman ni Zeinab, si Derek lang ang nakahalik sa kanya bukod sa partner niyang basketbolista.

“At least, si Derek ang nakauna sa akin sa big screen! Proud ako! Ha! Ha! Ha!” sey ni Zeinab.

Ang Kampon ang pagbabalik ni Derek sa movies matapos ikasal kay Ellen Adarna pero wala pa siyang planong kasunod dahil ang pagkaroon ng baby kay Ellen ang uunahin niya dahil nakunan ang unang pagbubuntis nito.