Paolo sa desisyon ng IPO PH — ‘Di pa tapos ang laban

I-FLEX
ni Jun Nardo

HINDI pa tapos ang laban! Sigaw ‘yan ni Paolo Contis ng new Eat Bulaga matapos kanselahin ng Intellectual Property Office ang registration ng title ng show ng Eat  Bulaga.

Sa una namang pagkakataon, kinanta ng Legit Dabarkads sa pamumuno nina Tito, Vic and Joey na kompleto ang lyrics ng orig na theme song ng Eat Bulaga na kasama na ang lyrics na Bulaga!

Sa totoo lang, mahaba ang legal na proseso ng hustisya sa bansa natin. Kaya puwede pang gamitin ng TAPE Inc. ang Eat Bulaga hanggang maging final and executory ang desisyon ng Supreme Court.

Nakalilito kung tutuusin pero ganyan ang kalakaran ng hustisya. At pagalingan na lang ng lawyer sa pagpresenta ng kanilang argumento para mahikayat ang judge sa kanilang panig.

It is not over yet, folks! Wait tayo sa next episodes kung mamamayani ang respect sa desisyon ng IPO!