Tuesday , February 27 2024
Bulacan jail guard, sumailalim sa skills at competence seminar

Bulacan jail guard, sumailalim sa skills at competence seminar

SA paghahangad na mapataas ang kanilang kahusayan at mas mapabuti ang kanilang mga kakayahan, nagsagawa ang Provincial Civil Security and Jail Management Office (PCSJMO) ng ‘Custodial Intervention Seminar in the Bulacan Provincial Jail’ noong buwan ng Nobyembre sa Gusali ng Kapitolyo ng Bulacan sa Lungsod ng Malolos, Bulacan na dinaluhan ng mga miyembro ng Bulacan Provincial Jail Custodial Force.

Sa pangunguna ni PCOL. Rizalino A. Andaya, may kabuuang 74 na tauhan mula sa BJP custodial force ang sumailalim sa matinding pagsasanay noong Nobyembre 8, 9, 15 at 22 kung saan nagkaroon sila ng pagkakataong palakasin ang kanilang kumpiyansa sa pagtugon sa iba’t ibang sitwasyong maaaring maganap habang sila ay gumaganap sa tungkulin habang nirerespeto ang karapatang pantao ng mga persons deprived of liberty (PDLs) at kung paano ito ipatutupad sa detention facility, gaano man kaseryoso ang inakusang krimen sa kanila.

Kabilang sa mahahalagang itinuro ni PCOL. Andaya ay ang tamang paghawak ng baril kabilang ang wastong tindig, basic principle sa sight picture, tamang gripping, squeezing at tamang paghinga; handcuffing, weaponry at crowd control para sa pagkakataong magkaroon ng close quarters battle katulad ng pagkakataong may nakatakas na PDL; tamang approach sa jailbreaks, riot at mga kalamidad.

Sa kanyang mensahe, sinabi ni Gob. Daniel R. Fernando na sa pamamagitan ng pamumuhunan sa iba’t ibang pagsasanay at pagpapaunlad ng mga jail guard, hindi lamang tinitiyak ng lalawigan ang kaligtasan at seguridad ng mga correctional facility kundi nakatutulong din ito sa recovery at eventual societal reintegration ng mga nasa ilalim ng kanilang pangangasiwa.

“Ang inisyatiba na ito ay hindi lamang para sa pagpapaunlad ng ating mga jail guards kundi isang pangako rin sa isang mas epektibo at makataong criminal justice system dito sa ating lalawigan,” ani Fernando. (MICKA BAUTISTA)

About Micka Bautista

Check Also

Sa DigiPlus maging responsableng gamer, puwede

Sa DigiPlus
MAGING RESPONSABLENG GAMER, PUWEDE

PINAIIGTING ng DigiPlus Interactive Corp. (DigiPlus), operator ng mga nangungunang digital platform gaya ng BingoPlus, …

Vape Smoke

Vape company ipinasasara ng Kamara

NANAWAGAN ang Kamara de Representantes sa Securities and Exchange Commission (SEC),  sa Department of Trade …

Valenzuela city magtatayo ng command center Nagbigay pa ng 2 swat van

Nagbigay pa ng 2 swat van
Valenzuela City magtatayo ng command center 

BILANG bahagi ng pagdiriwang ng ika-26th Charter Day ng Valenzuela, pinangunahan ni Mayor WES Gatchalian ang …

shabu drug arrest

2 tulak, nalambat sa buy-bust

DALAWANG tulak ng ilegal na droga ang nalambat makaraang kumagat ang mga ito sa isinagawang …

Kelot kinalawit sa pag-iingat ng baril 10 pa law violators dinakma

Kelot kinalawit sa pag-iingat ng baril; 10 pa law violators dinakma

ISANG lalaki na nag-iingat ng iligal at hindi lisensiyadong baril ang inaresto ng pulisya kabilang …