MATABIL
ni John Fontanilla
HINDI naiwasang ma-starstruck ng Bidaman at It’s Showtime Online host, Wize Estabillo nang makita ng harap-harapan si Alden Richards.
Tsika ni Wize, sobrang down to earth at walang ka-ere-ere si Alden nang makita ito sa bakuran ng ABS-CBN.
“Sobrang na-starstruck ako kay Alden walang ka-ere-ere at very down to earth.
“Lagi siyang naka-smile at very accomodating sa mga gustong magpalitrato sa kanya.
“Hindi niya ipinaramdam sa amin na super sikat siya, kaya siguro masyado siyang bini-blessed dahil mabait siya.
“Sana makatrabaho ko siya one of this days, lalo na’t uso na ang collaboration ng mga TV network.”
Anyway, kababalik lang pala ni Wize sa bansa mula sa bakasyon nito sa Amerika at balik-trabaho kaagad bilang host ng It’s Showtime Online. At sa Dec.9 ay magiging espesyal na panauhin ito sa Happy Go Shopping Mall Valenzuela para sa selebrasyon ng kanilang ika-apat na anibersaryo.
