HATAW! D'yaryo ng Bayan hatawtabloid.com
SHOWBIZ KONEK
ni Maricris Valdez Nicasio
NAPAKAGANDA, napakagarbo, napakaraming ilaw, bulaklak, pagkain, bisita ang naganap na 18th birthday ng anak nina Harlene Bautista at Romnick Sarmenta, si Bo Bautista o Bodhana Yoomee Tejedor na ginanap sa Luzon Ballroom ng Sofitel Philippine Plaza Manila noong November 30.
Sa imbitasyon palang na pinaghalo-halong kulay na blue, lavander, white, gold ay humanga na kami lalo pa nang makita namin si Bo na napaka-elegante ng gown na bagay na bagay sa kanya. Pinaghalong blue, lavander ang gown nito na bagay na bagay sa kanya.
Mababanaag din ang sobrang kasiyahan ni Bo lalo’t present ang kanyang mga magulang gayundin ang pamilya nito na nagsama-sama para mapasaya siya sa isa sa napakahalagang okasyon ng kanyang buhay.
At dahil birthday ni Bo, natanong ito sa kanyang birthday wish. “Sana po, masaya ang lahat ng taong minamahal ko and sana, tumangkad pa ‘ko,” natatawang tinuran ng dalaga.
Nasabi rin ni Bo na puwede siyang ligawan, pero, “Pwede naman po kaso hindi naman ‘yun priority sa akin ngayon.”
Basta ang gusto muna niya ay, “Makapag-travel by myself. Like, kahit Hong Kong lang.”
Si Romnick ang first dance ni Bo sa kanyang 18th roses at ramdam namin sobrang closeness ng dalaga sa kanyang daddy. Naikuwento kasi ni Bo bago ang 18th roses na mas close at nakapag-o-open siya sa kanyang ama.
Isinayaw din siya ng boyfriend ng kanyang mama Harlene na si Federico Moreno. Kasama naman sa 18th gift ang partner ni Romnick na si Barbara.
Ayon kay Harlene walang problema sa kanila ni Romnick na magsama sa isang okasyon kung para sa kasiyahan ng anak.
Sinabi naman ni Romnick na civil sila ni Harlene at nag-uusap lalo na kung para sa kanilang mga anak.
Karamihan ng mga dumalo sa 18th birthday ni Bo ay ang kanyang mga kasamahan sa Star Center gayundin ang kaibigang artista na sina Jillian Ward, Joaquin Domagoso, at AC Bonifacio.
