Tuesday , February 27 2024
Gladys Reyes Kathryn Bernardo

Gladys gustong masampolan ng sampal si Kathryn: Para siyang si Judy Ann 

MASARAP talagang kausap si Gladys Reyes na kung gaano kataray at nakatatakot sa pelikula o telebisyon, kabaligtaran naman sa tunay na buhay. Mabait at very accomodating ang aktres. Kaya nga natanong namin ito sa grand media conference ng Unspoken Letters na pinagbibidahan ni Jhassy Busran kung sinong artista ang gusto niyang sampalin kung sakali.

Walang kagatol-gatol na isinagot ni Gladys si Kathryn Bernardo

Ang dahilan ani Gladys, para itong si Judy Ann Santos na kapareho ng aura.

Parang ang sarap-sarap apihin ni Kathryn Bernardo because nakita mo ‘yung aura niya, para ring nakikita ko si Judy Ann (Santos) na kapag kawawa, kawawa talaga.

“At saka hanga rin ako sa batang ‘yun kung paano humugot ng emosyon.”

Napanood kasi ni Gladys si Kathryn sa isang serye pelikula nito at talaga namang humanga siya sa galing nito.

Anyway, bukod kay Maricel Soriano, pinag-uusapan din ang sampal ni Gladys. Kaya naman may mga kapwa rin siyang artista na nagsasabing wish na masampal ng isang Gladys Reyes. At isa nga rito ang kasama niya sa pelikulang Unspoken Letters, si Jhassy. Na imbes na maiyak ay super proud sa nangyaring pagsampal sa kanya ng misis ni Christopher Roxas.

Natatawa nga si Gladys na malaman na mala-Maricel din siya sa sampalan. 

“Super flattered,” ani Gladys. “At saka nakatutuwa na nakatawid ako sa mga batang henerasyon ngayon, na kilala pa rin nila ako,” dagdag ng magaling na aktres.

At dito pumasok ang pangalan ni Kathryn nang matanong si Gladys kung sinong aktor ang gusto niyang masampolan ng kanyang sampal.  

Anyway, proud si Gladys sa Unspoken Letters dahil maganda ang istorya bukod pa sa marami ang matututunan dito. Isa ang pelikula sa mga hindi napili sa 2023 Metro Manila Film Festival kaya mapapanood na ito sa December 13 sa mga sinehan nationwide.

Kasama rin sa Unspoken Letters bukod kina Jhassy at Gladys sina Simon Ibarra, Matet de Leon, Deborah Sun, Daria Ramirez, MJ Manuel, at Christine Samson, idinirehe nina Gat Alaman, Paolo Bertola, at Andy Andico.

About hataw tabloid

Check Also

Sa DigiPlus maging responsableng gamer, puwede

Sa DigiPlus
MAGING RESPONSABLENG GAMER, PUWEDE

PINAIIGTING ng DigiPlus Interactive Corp. (DigiPlus), operator ng mga nangungunang digital platform gaya ng BingoPlus, …

Vape Smoke

Vape company ipinasasara ng Kamara

NANAWAGAN ang Kamara de Representantes sa Securities and Exchange Commission (SEC),  sa Department of Trade …

Valenzuela city magtatayo ng command center Nagbigay pa ng 2 swat van

Nagbigay pa ng 2 swat van
Valenzuela City magtatayo ng command center 

BILANG bahagi ng pagdiriwang ng ika-26th Charter Day ng Valenzuela, pinangunahan ni Mayor WES Gatchalian ang …

shabu drug arrest

2 tulak, nalambat sa buy-bust

DALAWANG tulak ng ilegal na droga ang nalambat makaraang kumagat ang mga ito sa isinagawang …

Kelot kinalawit sa pag-iingat ng baril 10 pa law violators dinakma

Kelot kinalawit sa pag-iingat ng baril; 10 pa law violators dinakma

ISANG lalaki na nag-iingat ng iligal at hindi lisensiyadong baril ang inaresto ng pulisya kabilang …