HATAW! D'yaryo ng Bayan hatawtabloid.com
MATABIL
ni John Fontanilla
IDOLO ng ni Ruru Madrid si Sen. Robin Padilla, kaya naman nang magkita sila kamakailan ay ‘di naiwasang ma-starstruck ang una.
Si Robin kasi ang idolo ni Ruru pagdating sa pagiging mahusay na action star at public servant at the same time.
Post nga ni Ruru sa kanyang IG account (rurumadrid8 ) kasama ang larawan nila ni Sen. Robin, “Pag dating sa paggawa ng mga ma-aksyon na eksena…tunay na kayo po ang aking tinitingala sa larangan na ito at pangako na pagbubutihin ko ang lahat ng aking ginagawa.
“Ngunit hindi lamang dito kaya ko po kayo hinahangaan, kundi sa pagiging makatao. Alam ko po kung gaano niyo kamahal ang sambayang Pilipino at lahat ng iyong taga suporta. Kaya muli Maraming Salamat po!”
Bukod sa drama, pangarap din ni Ruru ang maging isang action star katulad ni Robin.
