Thursday , July 25 2024
Bernie Batin Daniel Padilla

Masungit na tindero sa socmed na si Bernie Batin handang ibigay ang lahat ng paninda kay Daniel Padilla

SHOWBIZ KONEK
ni Maricris Valdez Nicasio

MALAYONG-MALAYO na talaga ang naabot ng pinakamasungit na tindera sa social media, si Bernie Batin. Aba naman, mula sa pagtitinda ngayo’y nakapagpatayo na siya ng isang napakalaking bahay na pinapangarap lang niya noon.

Nakausap namin ang social media influencer na si Bernie nang ilunsad ang kanyang single na Utang Mo habang naka-drag queen sa Music Box kamakailan.

“First time kong mag-rag dahil ang ami kong napapanood ngayon at ang daming sumisikat na drag queen. So parang gusto kong i-try. After ko mag-make-up, ang ganda ko pala,” nakangiting pagbabahagi ni Bernie.

Ang debut single niyang Utang Mo ay ukol sa taong mahilig mangutang na pagkaraan ay hindi naman marunong magbayad. 

Anyway, sa pagpatok ng content niya sa kanyang YouTube, iyon ngang masungit na tindero ng kanyang sari-sari store, na may over 5 million ng followers at 40 million sa Tiktok nakapagpatayo siya ng bahay at dumami na ang kanyang paninda.

Pero wala raw siyang balak palakihin ang tindahang iyon na itinayo niya nang mag-OFW siya para sa kanyang mga magulang.

Hindi ko nilakihan kasi mahihirapan ang inang ko na magtinda eh parang libangan na lamang nila iyon,” anito na nagtrabaho sa Qatar simula 2002 hanggang 2014.

Ani Bernie, may mga naipundar na siya mula sa pagtatrabaho abroad. “Mayroon akong naipatayong maliit na bahay at mayroon akong lupain.”

At nang sumikat siya online, nakapagpatayo na siya ng malaking bahay at ipinagpatayo niya rin ng bahay ang kanyang kapatid. 

Patok ang content ni Bernie. Marami ang natutuwa sa kanya kaya naman million ang subscribers niya. Dahil sa ganitong content, natanong si Bernie kung sino ang isang gwapong aktor na gusto niyang bumili sa kanya.

Aniya, “In case po na may isang artista na ibibigay ko lahat ng  paninda ko, wala pong iba kundi si Mr. Daniel Padilla. 

“Bukod po kasi sa isa siyang napakagaling na aktor, siya rin po ay masasabi kong perpekto. cComplete package po siya na-idolize ko po siya as an actor po,” dagdag pa ni Bernie.

Wala naman na siyang planong magkaroon ng karelasyon. Ang gusto lamang niya ngayon ay ang tumulong sa pamilya niya. “I admire good looking people but I dont make a move. Hanggang ganoon lang ako, hindi ako nagpi-flirt, ini-ignore ko na lang,” sabi pa ni Bernie.

About Maricris Valdez Nicasio

Check Also

Benhur Abalos Perci Intalan

Birthday ni Sec Benhur dinaluhan ng mga kaibigan sa showbiz at politics; Direk Perci sinagot pasaring ni Atty. Topacio

PUNOMPUNO ang EDSA Shangri-la Hotel noong Biyernes dahil mula sa mga kaibigan   sa showbiz at politics …

Quinn Carillo Christine Bermas Itan Rosales Kaskasero

Christine nakatulong pagiging palaban sa pagpasok sa Wil to Win

SHOWBIZ KONEKni Maricris Valdez Nicasio KAPWA magaling na aktres sina Quinn Carillo at Christine Bermas ng Vivamax kaya mula sa  pagpapa-sexy ay …

Marian Rivera Kath Melendez Nekocee

Kath Melendez ng Nekocee na-starstruck kay Marian

SHOWBIZ KONEKni Maricris Valdez Nicasio MALAKING challenge para sa production ng Cinemalaya movie ni Marian Rivera, ang Balota kung paano siya …

Nora Aunor Maricel Soriano Alden Richards

Nora, Maricel, at Vilma triple tie for best actress sa 40th Star Awards

ni ROMMEL GONZALES TABLA, yes it’s a tie sina Dingdong Dantes at Alden Richards bilang Movie Actor of the …

Kumu

KUMU  top live streamers  ng SM Agency gustong pasukin ang showbiz

MATABILni John Fontanilla MAGANDA ang bawat kuwento ng  ilang top live streamers ng  SM Agency na umatend …