Monday , February 10 2025
Bulacan Police PNP

Mga tulak, pugante at sugarol sunod-sunod na kinalawit

SA pinatindi pang police operations sa Bulacan ay sunod-sunod na naaresto ang mga nagkalat na tulak, mga nagtatagong pugante at mga pasaway na sugarol sa lalawigan kamakalawa.

Sa ulat na ipinadala kay PColonel Relly B. Arnedo, provincial director ng Bulacan PPO, sa mga serye ng drug sting operations na isinagawa ng Station Drug Enforcement Units (SDEUs) ng Pandi, Bocaue, Norzagaray, SJDM, at Baliwag C/MPS ay nagresulta sa pagkaaresto ng siyam na suspek sa droga.

Ang mga arestadong indibiduwal ay kinilalang sina Bryan Salvador, Mel Dela Cruz, at Raymond Legaspi mula sa Pandi; Egardo Sta. Maria at Nestor Villanueva mula Bocaue; Joel Santiago mula Norzagaray; Arturo Marasigan at Felino Dimailig mula SJDM City; at Nestor Cunanan mula Baliwag City. 

Sa ikinasang operasyon ay nakumpiska ng mga operatiba ang kabuuang 26 pakete ng pinaghihinalaang shabu at marked money.

Samantalang sa masigasig na pagsisikap na mahanap at madakip ang mga nagtatagong pugante ay naging matagumpay ang Bulacan PNP matapos maaresto ang apat na akusado sa iba’t-ibang krimen.

Ang mga ito ay arestado sa isinilbing warrant arrest ng mga warrant officers ng Guiguinto, Norzagaray, SJDM, at Angat C/MPS. 

Ang mga naaresto ay kinilalang sina Archie Delos Reyes para sa paglabag sa RA 9262; Leodegario Bernardino sa paglabag sa Section 12 Art II ng RA 9165 (service of sentence); Jed Vincent Yumul para sa krimeng “Acts of Lasciviousness” (2 counts); at Albert Varilla sa paglabag sa Sec. 5 Art II ng R.A. 9165.

Sa inilatag namang anti-illegal gambling operations ng San Ildefonso MPS sa Akle, San Ildefonso, at Malolos CPS sa Pamarawan, Malolos City, ay nagresulta sa pagkaaresto ng tatlong sugarol na naaktuhan sa pagsusugal ng “tong-its” at limang indibiduwal na sangkot naman sa color games at drop ball. 

Nakumpiska ng pulisya sa mga suspek ang sets ng playing cards, table set para sa color games, isang colored wooden box, mesa para sa drop ball, rubber ball, at perang taya sa iba’t-ibang denominasyon na gagamiting ebidensiya.

Sa isinagawang paghahalughog ng mga police operatives, si Salvador Abacayen ng Akle, San Ildefonso, ay nakitaan ng dalawang pakete ng pinaghihinalaang shabu.(MICKA BAUTISTA)

About Micka Bautista

Check Also

BHWs tumanggap ng libreng pangkabuhayan – FPJ Panday Bayanihan PL

BHWs tumanggap ng libreng pangkabuhayan – FPJ Panday Bayanihan PL

PINANGASIWAAN ng FPJ Panday Bayanihan Party-List ang paglulunsad ng programang libreng pangkabuhayan para sa mga …

DOST Region 1 backs the Philippines First Wave Flume Facility in Ilocos Norte

DOST Region 1 backs the Philippines’ First Wave Flume Facility in Ilocos Norte

Mariano Marcos State University (MMSU), Ilocos Norte – The Department of Science and Technology Region …

Bryan Revilla Jolo Revilla Lani Mercado

Mag-iinang Revilla ‘di bumoto sa pag-impeach kay VP Sara

PUSH NA’YANni Ambet Nabus DAHIL nga sa hindi pagboto ng mag-iinang Revilla sa Kongreso para sa impeachment …

Arrest Shabu

P2.7-M shabu mula sa Rizal idinayo sa Pampanga, tulak tiklo

HINDI natuloy ang tangkang pagpupuslit at pagbebenta ng ilegal na droga ng isang hinihinalang tulak …

Sa Maguindanao del Sur AIRCRAFT BUMAGSAK, 4 FOREIGNER PATAY

Sa Maguindanao del Sur
AIRCRAFT BUMAGSAK, 4 FOREIGNER PATAY

HATAW News Team APAT na dayuhan ang kompirmadong nasawi sa insidente ng pagbagsak ng isang …