MATABIL
ni John Fontanilla
PLANO ng dating member ng EB Babes na si Lian Paz na palitan ang apelyidong Contis ng Cabahug ng kanyang dalawang anak kay Paolo Contis na sina Xonia at Xalene.
Ito raw kasi ang hiling ng mga anak na gamitin na ang apelyido ng tumatayo nilang ama, si John Cabahug.
Magalang ngang sinagot ni Lian ang isang nag-comment sa post niya sa kanyang Instagram kamakailan.
Ayon sa nag-comment, nakapagtataka kung bakit ginagamit pa rin ng dalawang bata ang apelyido ni Paolo gayung wala naman itong ambag sa kanilang buhay.
Sagot ni Lian, “Asking na nga po ang mga bata to have it changed.”
May mensahe rin ito sa kanyang dalawang anak, “dadating din yung time for what you’ve been requesting for matagal na.”
Dagdag pa nito, “Anak ko lang po and thank God may Daddy (John Cabahug) na [sila]. “