Ruru hangga sa pagkatao ni Yassi

I-FLEX
ni Jun Nardo

OUTSTANDING para kay Ruru Madrid si Yassi Pressman dahil sa kabuuan ng pagkatao nito.

“Alam mo na agad na artista siya kapag dumarating sa isang lugar. ‘Yun ang naka-attract sa akin kaya naman honored ako na pinagsama kami sa isang movie ngayon,” pahayag ni Ruru sa mediacon ng GMA Pictures at Viva Films collab na Video City.

Naging bahagi na ng buhay ng mga tao ang Video City noong 90s dahil ito ang rentahan ng VHS, CDs, at Betamax para sa mga pelikulang mostly ay gawa ng Viva.

Throwback romcom ang Video City sa pahayag ng director pero mga makabagong tao sina Ruru at Yassi kaya naman balikan ang nakaraan sa estilo ng pagpapakilig at pagmamahalan noong 90’s sa Video City.