HATAW! D'yaryo ng Bayan hatawtabloid.com
ALAM MO NA!
ni Nonie Nicasio
PINABULAANAN ni Gene Juanich ang claim ng isang producer ng show ni Vice Ganda na hindi raw totoo ang pahayag ni Garth Garcia sa pambabastos sa kanila ng assistant ni Vice.
Isa ang singer/songwriter na si Gene sa nagkaroon ng hindi magandang experience sa nasabing tao ni Vice nang naging front act ito sa show ng komedyante sa US.
Pahayag ni Gene, “Sabi raw po kasi ng producer, pagkabalik daw sa dressing room nila Vice pagkatapos ng show, nagkakasiyahan daw ang grupo ni Vice na inaawitan pa ng ‘Happy Birthday’ ang kanyang assistant at pagkatapos ay sinabihan lamang nito ng malumanay ang mga nasa hallway na nakatanghod sa labas ng kuwarto ni Vice ng ‘Excuse me po, magbibihis lang po si Vice para sa Meet & Greet!’
“Wala naman daw dahilan ang assistant para sumigaw at mag-attitude pagkatapos ng kasiyahan na iyon. In fact, may witness daw na isa sa mga front acts din na nagngangalang John Cueto ang nakarinig nang tinuran ng assistant ni Vice.
“Pero hindi po totoo iyan and you can quote me po na sa ugali at pagka-rude ng assistant ni VG, imposible na nagsasalita po iyan ng malumanay, hindi po yan nagsasalita ng malumanay at bagkus palaging rude at mayabang ang pagsasalita sa amin.
“Doon lang sa technical rehearsal po namin sa stage mismo, lagi kami sinisigawan niyan na. ‘Hanggang dito lang kayo!’ Puwede naman sabihin nang maayos at malumanay dahil nakakaintindi naman kami.
“Sabi rin ni Garth na wala naman yung produ doon at yung sinasabing witness daw na John ay kilala rin ni Garth, pero wala naman daw po ito roon nang nangyari po ag insidente,” mahabang paglilinaw pa ni Gene.
Aniya pa, “Nakakalungkot lang dahil ang mismong producer na Pinoy pa naman na naturingan, sa assistant pa ni Vice kumakampi imbes sa amin na nakaranas ng hindi magandang pagtrato sa assistant na yun.”
Kaya naman naikompara ni Gene ang Supestar na si Nora Aunor at Ai delas Alas kay Vice.
Aniya, “Ang Superstar na si Nora Aunor na sobrang taas na ang naabot, National Artist na siya, ang pinakamataas na antas na ng pagiging artista pero nananatili pa ring abot-kamay ng fans na mga ordinaryong tao at simple pa rin kumilos si Ate Guy.
“Samantalang si VG, nakatikim lang ng dalawang basong kasikatan akala mo di na kayang abutin at todo bantay sarado, na di mo makakausap o makikihalubilo sa inyo kung ordinaryong tao ka lang… Malayong-malayo sa character at attitude ng nag-iisang Superstar na nananatiling humble at down to earth.”
Dagdag pa ni Gene, “Si Ms. Ai Ai po napakabait at napaka-warm ng pakikitungo sa amin. Pati sa technical rehearsal po namin talagang malalapitan mo siya at kakausapin ka. Si VG wala, ni hindi ka lalabasin from her dressing room para man lang kamustahin ka.”
