SHOWBIZ KONEK
ni Maricris Valdez Nicasio
KITANG-KITA kapwa kina Zanjoe Marudo at Ria Atayde na enjoy na enjoy sila sa kanilang pamamasyal sa Italy. Nasa Italy ang dalawa para sa G! Kapamilya Tour kasama sina Daniel Padilla, Kathryn Bernardo, at Joshua Garcia.
Masayang ibinahagi ni Zanjoe sa kanyang Instagram account ang pamamasyal nila ni Ria sa ilang lugar doon tulad ng magandang probinsiya, ang Marudo sa Milan gayundin ang local delicacies doon.
Caption niya sa mga ibinahaging larawan, “MARUDO province of Lodi, Italy.”
Kinuha na rin ng magkasintahan ang pagkakataon para makapag-relax at makapag-unwind, i-enjoy ang company ng isa’t isa gayundin ng magagandang tanawin doon.
Ang kasiyahan ng dalawa ay patunay sa ibinahagi ni Ria sa isang interbyu na kuntento siya sa relasyon nila ni Zanjoe.
“I am very happy right now. I am in a relationship where I feel valued and where there’s so much mutual respect, mutual admiration. Very much [like part of the family], I’d say,” sabi ng dalaga ni Sylvia Sanchez.
Magtatagal sina ang grupo nina Zanjoe at Ria hanggang March 18 at lilibutin nila ang Barcelona; Milan, Italy; at Abu Dhabi, UAE.
