Thursday , March 28 2024

Direk Gabby Ramos tiniyak patok na chemistry nina Jhassy at John sa Home I Found In You

ALAM MO NA!
ni Nonie Nicasio

NAKAPANAYAM namin ang very accommodating na direktor ng Home I Found In You na si Direk Gabby Ramos at inusisa namin ang kanilang pelikula na ang premiere night ay sa March 25, 6pm, sa Cinema 1 ng Trinoma Mall.

Panimulang esplika ni Direk Gabby, “Ang Home I Found In You ay isang RomCom, isang Romantic Comedy na pinangungunahan nina Jhassy Busran at saka ni John Heindrick.

“Ito po ay kuwento ng isang sikat na sikat na lalaki, si John, na kinakailangang pumunta sa Philippines at nakilala po niya rito si Jhassy. So, parang langit at lupa ang pagitan nila…”

Pagpapatuloy niya, “It’s a typical story, pero ang twist nito is magkakatuluyan ba sila or ano ang kanilang pagdaraanang journey para patunayan na nagmamahalan sila?

“Pero iyong kuwento is all about sa mga kabataan natin ngayon, doon sa mga impulsive kung magmahal na akala nila lahat ay instant, tama ba ito?

“So, iyon ang intention ng pelikula, may magulang at may mga ibang nakapaligid sa kanila na dapat i-consider, na kailangan bang magmadali sa pagmamahal, tama ba na ipaglaban ang pagmamahal kung mali ang panahon?”

Nabanggit din niya ang bumubuo ng cast ng kanilang pelikula.

Aniya, “Tungkol naman sa casting, riot ito. Kasi, father ni Jhassy dito si Soliman Cruz, the multi-awarded actor. Siya ang magbabagsak ng mga pangmalakasang istorya ng lessons para sa mga kabataan.

“Of course ang love team nina Diego ng Bubble Gang at si Orlando Sol ng Masculados ay aabangan dito. So, kilig din ang part na ito and kasama rin dito sina Eunice Langusad si Charming ng Bakekang, from GMA-7 din at si Ginoong Rizal na si Harvey Almoneda,

“Romantc Comedy ito, kaya medyo makulit ang pelikula.”

Dagdag ni Direk Gabby, “Sina Jhassy at John naman ang lead actors dito, ang chemistry nila ang magdadala sa pelikulang ito. Abangan nila iyon, patok ang chemistry nina Jhassy at John sa Home I Found In You at may pakilig na mapapanood sa kanila rito.”

Si Direk Gabby at Jhassy ay unang nagkatrabaho sa short film na Pugon sa Cinemalaya.

         Dito’y nananalo ng ilang acting awards si Jhassy. Kabilang dito ang IFFM (New York) – Jury’s Best of the Best Performance of an Actress, Gully award – Best Child Actress, Ashoka international Film Festival 2021 – Best Child Artist, at WCEJA – Outstanding Lead Actress in Movie.

Nabanggit ni Direk Gabby ang natural na talento ni Jhassy bilang aktres na makikita sa pelikulang HIFIY.

“Mahusay umarte ang bata at ang system niya sa pag-arte ay natural, very raw… pero ‘yung pagiging raw niya ay relatable, hindi ‘yung parang amateur.

“So through time ay na-develop ito and then we have Roommate, ‘yung FB serye namin sa Facebook ko and then itong Home I Found In You.

“Dito sa movie, makikita n’yo na si Jhassy ay magaling ritong magpatawa at magaling din siyang magpaiyak,” sambit ni Direk Gabby.

 -30-

About Nonie Nicasio

Check Also

Marissa Delgado Marian Rivera

 Marissa Delgado tagahanga ni Marian, gandang-ganda sa aktres

RATED Rni Rommel Gonzales SI Marissa Delgado, na gumaganap na si Nova, ang masungit na biyenan ni Marian …

Marian Rivera My Guardian Alien

Marian sa alien—parang ang sarap niyang maging kaibigan

RATED Rni Rommel Gonzales NATANONG ang Kapuso Primetime Queen, Marian Rivera kung naniniwala ba siya na totoong …

Donny Pangilinan Belle Mariano DonBelle Cant Buy Me Love

Serye ng DonBelle laging nasa Top 10 sa Netflix

AYON sa lead stars ng top-rating series na Can’t Buy Me Love na sina Donny Pangilinan at Belle Mariano, mas …

Xian Lim

Xian sa love: painful and a magical feeling

MA at PAni Rommel Placente NOONG nakaraang Biyernes, March 22, si Xian Lim ang naging guest sa Fast …

Vina Morales

Vina Morales nanibago, natuwa sa muling paggawa ng pelikula

PUSH NA’YANni Ambet Nabus LAST 2015 pa pala huling nakagawa ng movie si Vina Morales with Robin Padilla. …