Wednesday , June 19 2024
Robin Padilla Bongbong Marcos

Robin ‘di magmamakaawa kay Marcos para sa Cha-cha

WALANG balak makipag-usap o magmamakaawa si Senador Robinhood “Robin” Padilla kay Pangulong Ferdinand Marcos, Jr., upang baguhin ang desisyon na suportahan ang pagbabago ng ating Saligang Batas o Charter change (Cha-cha).

Ayon kay Padilla hindi sakop ng ehukutibo ang lehislatura kung kaya’t hindi siya dapat magpasakop dito.

Binigyang-linaw ni Padilla, bilang chairman ng Senate Committee on Constitutional Amendments and Revision of Codes, mayroon siyang tungkulin sa taong bayan na dapat gampanan at hindi siya dapat magpasakop sa Pangulo.

Binigyang-diin ni Padilla, kung hindi siya pinuno ng komite ay maaari pa siyang makipag-usap sa Pangulo ukol sa usapin ng Cha-cha.

“Siguro kung ‘di ko committee and revision and amendments, puwede ko gawin ‘yan, pero dahil ako ang chairman di kaya ng prinsipyo ko. Hindi ko kaya, para sa akin legislation ito. ‘Di ko kailanman matatanggap na kailangan akong mag-bow na hind isa mandato niya. ‘Di ko magagawa, sorry. Pag nagmano ako kay Presidente, para mong sinasabi sa ilalim kami ng executive,” ani Padilla.

Magugunitang ipinahayag ni Marcos, hindi prayoridad ng kanyang administrasyon ang Cha-cha o pagbabago sa Saligang Batas at maging si Senate President Juan Miguel Zubiri ay sinabing hindi ito prayoridad ng senado.

Sa kabila nito, inirerespeto ang pannaw na ito ng Pangulo at maging ni Zubiri ngunit naninindigan siyang ipagpapatuloy niya ang mga pagdinig ng komite ukol sa isyu.

Umaasa si Padilla sa kanyang mga kasamahang senador na susuportahan ang kanyang gagawing committee report na tanging economic provision ang nais niyang maamyendahan upang umangat ang ating ekonomiya at masolusyonan ang inflation sa bansa.

Tiniyak ni Padilla, sa sandaling mabitbit niya sa plenaryo at mapagdebatehan ang kanyang magiging report ay lubusan na siyang masaya.

Aminado si Padilla, mahirap maisulong at makakuha ng suporta sa mga senador ang panukalang Cha-cha dahil maging noong panahon ni dating Senate President Aquilino Pimentel, Jr., ay naisulong na rin ito ngunit hindi nagtagumpay.

Naninindigan si Padilla, sa huli ay makokombinsi niya ang kanyang mga kasamahang senador sa magiging committee report batay sa mga opinyon, pananaw, paniniwala, at ninanais ng mga resource person na dumadalo sa bawat pagdinig o konsultasyon ng kanyang komite.

Target ni Padilla, matapos ang pagtalakay dito sa Agosto upang maisabay sa Barangay at SK elections ang pagsasagawa ng plebisito upang makatipid ang pamahalaan at hindi na gumastos kung magkakaroon ng hiwalay na plebisito. Sa halip ang magiging budget dito ay maaring itulong sa mga kababayang nangangailangan ng tulong lalo ang mga senior citizens.  (NIÑO ACLAN)

About Niño Aclan

Check Also

SM Supermalls 100th Job Fair 1

SM Supermalls Celebrates Milestone with 100th Job Fair

June 14, 2024 – Manila, Philippines –SM Supermalls proudly hosted its 100th job fair, reinforcing …

‘Mangangalakal’ bugbog-sarado sa 15 sekyu ng Las Piñas subdivision

‘Mangangalakal’ bugbog-sarado sa 15 sekyu ng Las Piñas subdivision

BUMUHOS ang suporta para sa isang 26-anyos ‘mangangalakal’ na biktima ng pambubugbog at pagmamaltrato ng …

Mark Leviste Vilma Santos

VG Mark handang magparaya kay Ate Vi sakaling tatakbo muling gobernador

I-FLEXni Jun Nardo NAKARATING kay Batangas Vice Governor Mark Leviste ang pahayag ni Finance Secretary Ralph Recto na kinu-consider …

Queen Vi Rodriguez ACT AGRI-KAAGAPAY

ACT AGRI-KAAGAPAY, nakiisa sa parada ng kalayaan 2024

ALAM MO NA!ni Nonie Nicasio NAKIISA ang Act Agri-Kaagapay Organization, isang non-government organization na nagsusulong …

Lito Lapid

Lapid: Raid sa POGO hub sa Pampanga, isama sa Senate investigation

NANAWAGAN si Senador Lito Lapid sa Senado na isama sa imbestigasyon ang pagsalakay ng mga …