HATAW! D'yaryo ng Bayan hatawtabloid.com
MA at PA
ni Rommel Placente
SA interview ni Liza Soberano sa vlog ni Bea Alonzo, sinabi niya na sa kanilang dalawa ni Enrique Gil unang inialok ang pelikulang Hello, Love Goodbye noong 2019 mula sa Star Cinema, na pinagbidahan nina Kathryn Bernardo at Alden Richards.
Hindi lang daw nila ito magagawa pa noon dahil may serye silang Bagani at nagsimula na siyang mag-shooting ng pelikulang Darna, na kalaunan ay na-shelved.
In-offer na lang daw ang nasabing pelikula kay Kathryn, na ang kapareha ay si Enrique.
Sinabi ni Liza na hintayin na lang sila ni Enrique na matapos ang kanilang mga commitment. Baka raw kasi maapektuhan ang loveteam nila kung ipapareha sa iba ang boyfriend.
Hanggang nalaman na lang ni Liza na ang pelikula ay napunta pa rin kay Kathryn at si Alden na ang kinuha ng Star Cinema bilang kaparehara.
Well, kanino nga ba talaga unang inialok ang Hello, Love, Goodbye?
Sa interview kasi noon kay Daniel Padilla sa Tonight With Boy Abunda, sinabi niya na sa kanila ni Kathryn unang inialok ang HLG.
So, sino kina Liza at Daniel ang nagsasabi ng totoo?
Pero ang Star Cinema lang ang tunay na nakaaalam kung kanino nila talaga unang in-offer ang HLG, ‘di ba?
