Yeng gustong i-mentor si Janine Berdin
MATABIL
ni John Fontanilla
BLOOMING at napakagandang Yeng Constantino ang bumungad sa entertainment press sa pagpirma nito ng kontrata bilang pinakabagong Global Ambassadress ng isang music school.
Present sa contract signing sina Prescila Teo, Cornerstone Entertainment Vice President Jeff Vadillo, Jonathan Manalo, Rox Santos, Jacinto Gan Jr., at Benedict Mariategue.
Ani Yeng, “I look forward to collaborating with future projects with them, including music production, songwriting or even mentoring upcoming artists.”
Anang singer/songwriter, walang edad ang pag-aaral ng musika, basta nasa puso ito at gustong matuto.
Isa sa gustong i-mentor ni Yeng ang mahusay na baguhang singer na si Janine Berdin.
