Thursday , February 29 2024
Darren Evangelista Langoy Pilipinas
INILAHAD ni Langoy Pilipinas founder and organizer Darren Evangelista, mula sa Golden East Ads Promo and Events, ang serye ng programa para sa mga mapipiling manlalangoy, sa ginanap na press con ng Tabloids Organization in Philippine Sports, Inc. (TOPS) noong Huwebes sa PSC Executive Room sa Rizal Memorial Sports Complex sa Malate, Maynila. (HENRY TALAN VARGAS)

Top swimmers ng Langoy Pilipinas sasabak sa Guam

KASADO na ang programa para sa international exposure ng mga batang medalists at promising swimmers na lalahok sa ‘Langoy Pilipinas’ swimming series na sisikad sa gaganaping 1st Gov. Ruel D. Pacquiao Championships sa 25-26 Febrero sa Sarangani Sports Training Center Swimming Pool sa Alabel.

Ibinida ni Langoy Pilipinas founder Darren Evangelista, 10 lungsod at lalawigan mula sa National Capital Region (NCR), Luzon, Visayas, at Mindanao ang nakipagtambalan sa kanilang programa sa layuning mas mabigyan ng karagdagang exposure ang mga swimmers na nasa Class A at B.

“Tinatawag namin itong grassroots program para sa elite, ‘yung may mga personal best time na at focus na mas mapababa ang kanilang best time, matagal din kasing nawala ito. Marami na kasi tayong mga kaibigan at kasama na gumagawa n’yan all over the country may tournament para sa Class C at D,” pahayag ni Evangelista ng Golden East Ads Promo and Events, sa ginanap na Tabloids Organization press conference sa Philippine Sports, Inc. (TOPS) sa PSC Executive Room sa Rizal Memorial Sports Complex sa Malate, Maynila.

“This is a 10-event tournament, a qualifying for the team na isasali natin sa Guam Pacific Championship. Nakausap ko na ang Governor ng Guam, her Honorable Lourdes A. Leon Guerrero at pormal na akong nagpadala ng sulat para sa participation ng ating mga swimmers this year. Bale ‘yung top 10 sa bawat age group ang ipadadala natin para sa kanilang international exposure,” sambit ng NCAA five-time swimming coach champion hinggil sa program na itinataguyod ng Philippine Sports Commission (PSC) at Behrouz Persian Cuisine.

Bukod sa Sarangani, isasagawa ang Langoy Pilipinas sa Cagayan at Dumaguete City sa Mindanao;  Bohol, Roxas, at Bacolod sa Visayas; Laguna, Cavite, at Tarlac sa Luzon; at sa Maynila para sa NCR.

“Marami pang nakikipag-usap sa amin pero tinitingnan pa namin ‘yung venue kasi dapat Olympic-size ang pool. Actually, sa Manila dapat ang take off namin ‘yung Manila Mayor Honey Lacuna Cup sa February 18-19, but the Stabilization Committee for swimming ay nagpatawag ng tryouts kaya nag-give way kami to support the national program para sa ating mga atleta,” aniya.

Dahil sa suporta ni Gov. Pacquaio, ibinida ni Evangelista na may 80 swimming clubs at koponan mula sa Mindanao area ang kompirmadong lalahok sa torneo na gaganapin sa Olympic-size pool na ipinatayo ng lokal na pamahalaan, isang patunay sa hangarin nitong pataasin ang kalidad ng swimming sa rehiyon.

Ipinagpasalamat din ni Evangelista ang suporta ng United Laboratory at Right Med, gayondin ang pakikiisa ng Swim League Philippines (SLP) at Congress of Philippine Aquatics, Inc. (COPA) sa programa ng Langoy Pilipinas.

“For 12 years, tinutulungan na kami ng Unilab at Right Med. Hindi biro ang gastusin sa isang tournament, kaya pasalamat kami sa kanilang suporta. Actually nagsimula kami rito 12 years ago sa Davao, but now dahil Manila-based na kami, ibinalik namin and make it bigger,” pahayag ni Evangelista.

Ibinida ni Evangelista na handa ang organizer na bigyan ng diskuwento o libreng tatanggapin ang mga kapos-palad na atleta ngunit determinadong mapaunlad ang sarili sa sports. (HTV)

About hataw tabloid

Check Also

Buddy Encarnado NCRAA

Bago, talentadong local cager target sa NCRAA 30th Season

HANGAD ni General Manager Buddy Encarnado, dating PBA chairman at team governor ng Sta. Lucia, …

FESSAP

FESSAP-APUG 3×3 Philippines didribol sa Marso 15-17

IPINAHAYAG ng One Dream Sportsman, sa pamumuno ni basketball coach Dr. Norman Afable, ang pagdaraos …

NCAA Season 99 Juniors Basketball Tournament

NCAA Juniors Basketball Tournament simula na 

RATED Rni Rommel Gonzales PATULOY ang aksiyon sa NCAA Season 99 dahil umpisa na ang bakbakan sa NCAA …

Christian Mark Daluz Chess

Sa Antonio “Bolok” Memorial Open Rapid Chess Tournament
FM DALUZ WINALIS MGA KATUNGGALI

MARIKINA CITY — Napanatili ni FIDE Master (FM) Christian Mark Daluz ang mainit na simula …

Niño Alcantara Tennis

Naging Number One Doubles Player sa Pilipinas  
NIÑO ALCANTARA UMAKYAT MULA 176 HANGGANG 169 SA ATP RANKINGS

SI NIÑO Alcantara, ang sumisikat na tennis star mula sa Pilipinas, ay patuloy na gumagawa …