Tuesday , March 19 2024
Eric Buhain swimming
“MAGTULUNGAN at magkaisa para sa iisang layunin na magkaroon ng tunay na development sa ating sports,” pahayag ito ni swimming legend Batangas 1st District congressman Eric Buhain sa kanyang pagbisita sa Tabloids Organization in Philippine Sports, Inc. (TOPS) ‘Usapang Sports’ nitong Huwebes sa Philippine Sports Commission (PSC) Executive Lounge sa Rizal Memorial Sports Compex, Malate, Maynila. Kasama sa larawan ang TOPS officers at Samahang Weightlifting ng Filipinas (SWP) president Monico Puentevella. (HENRY TALAN VARGAS)

Buhain nanghimok makilahok sa PH swimming tryouts

HINIKAYAT ni swimming legend Batangas 1st District congressman Eric Buhain ang lahat ng Filipino swimmers na lumabas, makiisa, at lumahok sa isasagawang national try-outs ng Stabilization Committee para sa binubuong Philippine swimming team na isasabak sa 30th Southeast Asian Games sa Cambodia sa Mayo 2023.

Iginiit ng two-time Olympian at Southeast Asian Games record-holder na nakapanghihinayang ang pagkakataon na ibinigay ng World Aquatics sa Philippine swimming community kung babalewalain ng mga atleta, coaches, at swimming club managers, gayondin ng iba pang stakeholders ang itinakdang try-outs para mapili ang mga tunay at ‘deserving’ swimmers para sa Philippine Team.

“Libre ito. For the first time after more than two decades na magkakaroon ng national try-outs na open for all swimmers, kaya hinihikayat ko ang lahat na lumahok dito. Itong nangyari sa Philippine swimming ay dapat nating ipagpasalamat dahil natapos na ang problema. Kalimutan na natin ang animosity, magkaisa na tayo para sa iisang layunin na magkaroon ng tunay na development sa ating sports,” pahayag ni Buhain sa kanyang pagbisita sa Tabloids Organization in Philippine Sports, Inc. (TOPS) ‘Usapang Sports’ nitong Huwebes sa Philippine Sports Commission (PSC) Executive Lounge sa loob ng Rizal Memorial Sports Compex.

“Ang mensahe ko, sumali kayo, pagkakataon na natin ito. Actually, matagal na natin itong ipinagdasal na may isang anghel na sumagot sa atin at yan ang Philippine Olympic Committee (POC). Pinakingan tayo at nagkaroon ng pagkakataon. Lahat welcome, niyayakap tayo ng Stabilization Committee.

“Go there and test your abilities against the best Filipino swimmers. Sa Cambodia SEA Games, ito na ang umpisa ng inclusivity sa Philippine swimming,” sambit ni Buhain sa lingguhang forum na itinataguyod ng Philippine Sports Commission at Behrouz Persian Cuisine.

Sa pakikipagtulungan ng Asian Swimming Federation, nabuo ng Stabilization Committee ang selection criteria at itinakda ang National try-outs sa swimming, gayondin sa water polo at diving sa 16-19 Febrero sa Clark Aquatics Center sa Capas, Tarlac.

Mismong ang ASF ang namahala sa training ng may 60 technical officials na siyang mangangasiwa sa tryouts.

“Huwag natin sayangin ang pagkakataon. Ang importante looking forward na tayo. Nakikita na natin ang kinabukasan ng ating mga swimmers at ng sports,” pahayag ni Buhain.

Ang swimming events na kailangang lahukan sa SEA Games ang men and women 50, 100, 200, 200, 800 at 1,500 meters freestyle; 50, 100 at 200 meters butterfly, backstroke at breaststroke; at 200 and 400 individual medley.

Sa panig ng fin-swimming na hiwalay na asosasyon, sinabi ni Buhain, pangulo rin ng Congress in Philippine Aquatics, Inc. (COPA), na naging matagumpay ang pakikipagtulungan nila sa Philippine Finswimming Federation, Inc. (PFFI) at naisagawa ang tryouts sa Luzon, Visayas, at Mindanao para matukoy ang apat na lalaki at apat na babaeng isasabak sa Sea Games.

“Sa finswimming, ito ‘yung event sa bi-swimming at monofin. Naisagawa na natin ang tryouts at nakabuo na ng team si coach  Mary Ann Reyes,” sambit ni Buhain.

Sa pamamagitan ni POC president Bambol Tolentino lumagda ng kasunduan ang COPA at PFFI sa pamumuno ni Maria Tatjana Claudeene Medina para pangasiwaan ng COPA ang tyryouts.

Nakatakda ang Cambodia SEA Games sa 5-17 Mayo 2023. (HTV)

About hataw tabloid

Check Also

Reli de Leon Antonella Berthe Racasa

High Roller bida sa Triple Crown Stake

IBINABA lamang bilang fifth choice, ninakaw ng High Roller ni Lamberto “Jun” Almeda, Jr., ang …

RP Blu Boys JHL Jean Henri Lhuillier

JHL nagalak  
CEBUANA LHUILLIER SOFTBALL TEAM WAGI SA PANGEA CUP INT’L SLO PITCH TOURNEY

MULING nagwagi ang RP Blu Boys, na ipinagtanggol ang kanilang titulo sa Men’s Super Division …

Pinoy electrical & civil engineers bowler rivalry sa WED tuloy-tuloy

Pinoy electrical & civil engineers bowler rivalry sa WED tuloy-tuloy

SA TEMANG “Engineering Solutions for a Sustainable World,” ang Philippine Technological Council (PTC) WED celebration …

Michael Concio Chess

FIDE Rapid Rated event:  
IM CONCIO KAMPEON SA 1ST MARINDUQUE NAT’L CHESS CHAMPS

Final Standings: (Open Division, 83 participants) 6.5 points—IM Michael Concio Jr. 6.0 points—FM Roel Abelgas, …

Daniel Quizon Jonathan Jota Chess

Quizon giniba si Jota nanguna sa 1st Marinduque National Chess Championship

MANILA — Winalis ni reigning Philippine National Open Champion International Master Daniel Quizon ang kanyang …