Friday , March 29 2024

Bulacan tumanggap ng Top Performing ADAC Award

SA patuloy na laban upang makamit ang isang drug-free na lalawigan at sa pagiging isa sa mga high-functional na Anti-Drug Abuse Councils (ADACs), ginawaran ang Pamahalaang Panlalawigan ng Bulacan ng 2022 National Anti-Drug Abuse Council Performance Award ng Department of the Interior and Local Government (DILG) sa isinagawang Regional Awards for Top Performing Provincial, City and Municipal Anti-Drug Abuse Councils na ginanap sa Kingsborough International Convention Center, sa lungsod ng San Fernando, lalawigan ng Pampanga nitong Lunes, 16 Enero.

Kabilang sa talaan ng mga pinarangalan ang mga lungsod ng Meycauayan, San Jose Del Monte, at Baliwag; at mga bayan ng Balagtas, Guiguinto, Plaridel, San Miguel, at Doña Remedios Trinidad na pawang mga pumasa sa 2021 ADAC Performance Audit na may pamantayang kasama ang bilang ng mga Barangay Anti-Drug Abuse Councils (BADAC), kakayanang mapanatili ang estado ng kawalan ng kaso ng iligal na droga sa lugar at pagbaba ng kaso sa ilegal na droga para sa taong 2022.

Inanunsiyo din sa programa ni Atty. Anthony Nuyda, DILG-Central Luzon Regional Director, ang paglulunsad ng “Buhay Ingatan, Droga’y Iwasan” o ang BIDA Program na nakatuon sa pagpapababa ng drug demand at rehabilitation na kabibilangan ng pakikiisa ng mga lokal na pamahalaan, ahensiya ng pamahalaang nasyunal, at iba pang mga sektor.

Sa kanyang mensahe bilang panauhing pandangal, sinabi ni Atty. Margarita Gutierrez, DILG Undersecretary for Plans, Public Affairs and Communication at focal person ng BIDA program, na umaasa siya sa mga lokal na ADAC na maging inspirasyon sa iba para sa laban ng bansa kontra sa drug-abuse.

“In our fight against the drug menace, we need the whole nation’s strength and I am counting on each and every one of you here to be the spark which lights that match. Truly, I hope to stand here again next year, congratulating you once more for your excellent service. Not only that, but I hope your achievements may serve as an inspiration to other ADACs and local governments across the country, so that many more will be acknowledged next year for a job superbly done,” ani Atty. Gutierrez.

Samantala, sinabi ni Gob. Daniel Fernando ng Bulacan na ang bawat lokal na pamahalaan ay mahalaga sa pagkamit ng isang drug-free na lalawigan.

“Napakalaking bahagi po ng ating mga LGUs upang maisakatuparan natin ang layuning mapababa ang drug abuse dito sa ating lalawigan; nang dahil sa pakikipagtulungan ng bawat isa, muling nagkamit ang Bulacan ng pagkilala. And by that, I vow to keep up the excellence that the province has shown in this field and will make sure that every Bulakenyo lives in a safe, healthy and drug-free Bulacan,” anang gobernador. (MICKA BAUTISTA)

About Micka Bautista

Check Also

Notoryus na wanted holdaper sa NCR, todas sa enkwentro sa Batangas!

Notoryus na wanted holdaper sa NCR, todas sa enkwentro sa Batangas!

NASAWI ang isang lalaki na tinaguriang kilabot na holdaper at akyat bahay na kabilang sa …

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Acuzar mapang-asar KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

Acuzar mapang-asar  
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …

PNVF Volleyball

Philippine National Volleyball Federation (PNVF) Under-18 Championship 2024

MAGSISIMULA ang Philippine National Volleyball Federation (PNVF) Under-18 Championship 2024 ngayong linggo simula sa Biyernes …