Saturday , February 4 2023
Cedric Escobar Paco Arespacochaga

Paco Arespacochaga na-ER bago nagbalik-LA

HARD TALK
ni Pilar Mateo

BIGLAAN ‘yung uwi niya. Para sa mine-mentor na singer. Si Cedric Escobar.

Mabilisan nga ang mga pangyayari. Dahil sa Amerika pa lang, na nananahan si Paco Arespacochaga at pamilya (sa Los Angeles), at ang mga nakakasama na sa gigs ng Introvoys doon na si Cedric (na mula naman sa New York), umaandar na ang plano para sa huli.

May kasunduan na sa PolyEast Records. Kaya nang dumating sila ng Pilipinas, handa na rin ang kontrata para sa bagong singer.

Kaya ang schedule ni Paco ay sunod-sunod lang. Kasama na ang pakikipagkita sa iba pang musikero.  Paglalaan ng panahon sa mga paanyaya sa guestings sa sari-saring TV shows. Reunions. At ang paglagda ni Cedric sa PolyEast at pag-shoot ng music video nito.

Kaya noong gabing kasama niya si Wency Cornejo isang weekend, iba na ang pakiramdam nito. 

Para raw may mabigat na dumadagan sa dibdib niya. Kaya he was rushed to St. Luke’s. Over-fatigued ang na-haggard-o Versoza na drummer.

Kaya nag-alala ang misis nitong si Jaja. At next time, hindi na ito papayagang maglakbay ng hindi siya kasama.

Jet lagged. Kulang sa tulog. Baligtad na oras. At sunod-sunod na meetings, shoot, tapings.

Kaya pagsakay niya ng eroplano pabalik ng L.A., lulubusin niya ang tulog. 

Kampante si Paco sa nasimulan niya kay Cedric. At sa Pebrero sa pagbabalik niya kasama ang misis na si Jaja, ilulunsad na ang album at iba pang mga bagong kanta ni Cedric. Anim ang nagawa ni Paco, kasama na ang mauunang ilabas na Di Na Ba. At malamang planuhin na rin ang reunion muli ng kanyang bandang Introvoys. Mala-homecoming.

“Kulang ang time talaga. But ‘am happy na I was able to achieve the purpose of us, coming here. The goal of which is to help someone talented start achieving his dream.”

Aliw lang ang post ni Paco nang dalhin siya sa E.R. na halos dalawang oras pa siyang naghintay bago isalang sa mga tests. Mahaba kasi ang pila.

“Problema sa mga hyper focused na tao, ‘di marunong tumigil hangga’t di bumibigay ang katawan. Huwag tularan ‘yung naka black sa may pader! Ayun… dinala sa ER! Ayaw kasi magpahinga.”

Now, he knows better!

About Pilar Mateo

Check Also

Rhian Ramos Paolo Contis

Rhian sa pagsasama nila Paolo: Matagal ko na siyang gustong makasama, nagagalingan ako sa kanya

RATED Rni Rommel Gonzales SA unang pagkakataon ay magtatambal sa isang pelikula sina Rhian Ramos at Paolo Contis. …

Cassy Legaspi JK Labajo Darren Espanto

Cassy nagulat, walang alam sa away noon nina JK at Darren 

RATED Rni Rommel Gonzales IKINAGULAT namin na ni wala palang kamalay-malay si Cassy Legaspi na nagkaroon ng mainit …

Barbie Forteza Jak Roberto

Jak nakasisiguro kay Barbie, hindi ipagpapalit sa iba

I-FLEXni Jun Nardo SECURED ang Kapuso hunk na si Jak Roberto sa relasyon nila ng girlfriend na si Barbie Forteza. …

LJ Reyes Paolo Contis Yen Santos

Paolo ipinagtanggol si Yen, ‘di raw siya inagaw kay LJ 

I-FLEXni Jun Nardo INABSUWELTO ni Paolo Contis ang girlfriend na si Yen Santos nang ipalabas ang part 2 ng …

Blind Item, Gay Lovers, matinee idol, male star

Male star na-inlab kay poging actor na ayaw na siyang makatrabaho

ni Ed de Leon ANG totoo pala, talagang nagkagusto ang isang male star na kalabisan naman sigurong …