Monday , July 22 2024
PNP CIDG

‘Pulutan’ sa social media
EX-CIDG TOP HONCHO HINDI LANG NAPOLITIKA NASIBAK PA SA PUWESTO

ISANG mataas na opisyal ng Philippine National Police (PNP) ang nabiktima ng masamang politika sa bansa ang pinag-uusapan ngayon sa social media nang sibakin sa kanyang puwesto kamakailan, ng isang mataas na opisyal ng kasalukuyang administrasyon.

Kinilala ang masipag na opisyal ng PNP na si P/Brig. Gen. Ronald Oliver Lee, dating pinuno ng Criminal Investigation and Detection Group (CIDG) na hindi na mabilang ang mga accomplishment partikular ang pagsugpo sa ilegal na droga at iba’t ibang uri ng kriminalidad sa bansa.

Miyembro si Lee ng Philippine Military Academy (PMA) Class 1992 at naging Regional Director ng PROCOR noong nakalipas na 2022 national and local elections kung saan natalo ang kapatid ng isang mataas na opisyal ng Malacañang.

Sinisisi ng isang kilalang ‘secretary’ si Lee dahil sa resulta ng eleksiyon kaya ‘abot langit’ umano ang galit sa heneral.

Sinasabing, maaaring maapektohan ang isinasagawang malalimang imbestigasyon hinggil sa pagkawala ng ilang mga sabungero sa bansa dahil sa pagkakasibak kay Lee, na nangunguna sa pagresolba upang matukoy ang nasa likod ng mga naturang insidente.                                                

Napag-alamang hindi tumigil ang ‘secretary’ sa pagtawag kay Department of the Interior and Local Government (DILG) Secretary Benhur Abalos, Jr., upang agarang matanggal si Lee sa kanyang puwesto bilang CIDG Director.

Pinaniniwalaang, personal na galit ang nagbunsod sa ‘secretary’ para gamitin ang kanyang makapangyarihang puwesto upang sibakin ang sino mang kakalaban sa angkan sa kanilang teritoryo.

Samantala, kamakailan, gumawa ng resolusyon ang aabot sa 57 Senior Officers ng PNP kay Pangulong Ferdinand Romualdez Marcos, Jr., upang ma-promote si Lee bilang Major General at si Police Colonel Benjamin De Leon bilang Brigadier General ngunit hinarang ito ng nabanggit na secretary sa Malacañang.

Sa nasabing Resolution, halos 98 porsiyento ng mga PNP generals ang pumirma sa promosyon ng dalawang opisyal na nakasaad sa Napolcom Memorandum Circular at Civil Service Commission ang bakanteng posisyon ng mga ranggong Major General at Brigadier General kaya kung malinis ang record ng naturang police official, karapat-dapat umanong iatang sa kanyang balikat ang posisyon.

Sinisipat ng ilang tagapayo ng pamunuan ni Pangulong Ferdinand Marcos, Jr., ang mga ginagawa ng pinagkakatiwalaang secretary na madalas umanong mapuna dahil sa ugaling ‘mapagdesisyon’ at pinangungunahan ang pangulo ng bansa.

About hataw tabloid

Check Also

prison

300 PDLs mula Bilibid inilipat sa Iwahig Prison sa Palawan

INILIPAT ang may 300 persons deprived of liberty (PDLs) mula sa New Bilibid Prison (NBP) …

Bongbong Marcos BBM with senators

Senators handa nang makinig sa 3rd ikatlong sona ni PBBM

HANDA ang mga senador na makinig sa ikatlong State of the Nation Address (SONA) ni …

072224 Hataw Frontpage

Para sa ekonomiya, kalusugan, edukasyon, at impraestruktura
BAGONG BATAS ITUTULAK NI PBBM SA SONA

UMAASA si House Speaker Ferdinand Martin Romualdez na hihirit ang Pangulong Ferdinand Marcos, Jr., ng …

072224 Hataw Frontpage

POGOs ‘pag nilusaw 25,064 Pinoy workers dapat protektado

SINABI ni Senador Win Gatchalian dapat maglagay ng safety nets para sa mga manggagawang Filipino …

League of of the Cities of the Philippines LCP

Kahit suspendidong mayor
RAMA NANINDIGANG LCP PRESIDENT PA RIN

NANINDIGAN si Cebu City Mayor Michael Rama na siya pa rin ang Pangulo ng League …