Pamilya ng 438 Rizal PNP promotees pinasalamatan

PINASALAMATAN ni Rizal PNP Provincial Director P/Col. Dominic Baccay ang mga dumalong pamilya ng mga na-promote na pulils bilang pagsuporta sa kani-kanilang mga asawa, anak, at kapatid.

Kasabay nito, pinaalalahanan ng opisyal na ang pagtaas ng ranggo ay kaakibat ang responsabilidad sa bayan at sakripisyo sa serbisyo.

Nauna rito pinangunahan ni Baccay ang Simultaneous Oath-Taking at Donning at Pinning of Ranks katuwang ang Command Group sa mga na-promote na personnel sa Rizal PNP Command.

Sa kabuuan, tumaas ang ranggo ng 438 Rizal PNP personnel, 387 dito ay mga police non-commissioned officers at 51 police commissioned officers.

Isinagawa ang programa sa Regional Headquarters sa PRO4-A na pinangunahan ni PRO4-A Regional Director P/BGen. Jose Melencio Nartatez, Jr.

Natapos ang aktibidad sa pagpirma ng kanilang Oath of Office sa bagong ranggo na agad ipinasa sa Provincial Administrative Records and Management Unit. (EDWIN MORENO)