Wednesday , February 21 2024
road accident

Sa Caloocan City
10 SUGATAN SA AUV, 4 MOTORSIKLONG INARARO NG SUV DRIVER NA SENGLOT

SAMPU-KATAO ang napaulat na nasugatan matapos ararohin ng isang sports utility vehicle (SUV) ang isang Asian utility vehicle (AUV) at apat na motorsiklo bago banggain ang harapan ng isang botika sa Caloocan City, kamakalawa ng gabi.

Isinugod sa magkakaibang pagamutan sa Tala Hospital, Bernardino Hospital, at Caloocan North Medical Center ang mga biktimang sina Rogelio Desiderio, 37 anyos, ng San Jose Del Monte, Bulacan; Charmaine Ann Lagunda, 35 anyos, ng Villa Angelica Subdivision, Brgy. 72, Caloocan; Jerry Mayor, 31 anyos, Rosemarie Mayor, 53 anyos, kapwa residente sa Dolmar St., Brgy. 168; Anne Marjorie Sanchez, 33 anyos, ng Llano, Brgy. 167; Noella Rhose Maniego, 27 anyos, ng Palmera 1 Brgy. 175; Jericson Senias ng Pechayan St. Brgy. 177; Lemuel Francisco, Jerry Bayani, kapwa nasa hustong edad at residente sa Camarin; at isang hindi pa kilalang lalaki, sanhi ng mga pinsala sa ulo at katawan.

Sa ipinadalang ulat ni Traffic North Office investigator P/Cpl. Froilan Dela Rosa kay Caloocan Police Chief P/Col. Ruben Lacuesta, mabilis na tumatahak sa Camarin Road ang isang Toyota Innova (NDU-7654) na minamaneho ni Bryan Tan, 29 anyos, residente sa Block 49 Lot 8 Ph. 4a, Sto. Niño, Meycauayan, Bulacan dakong 9:00 pm nang salpukin nito ang kasalubong na isang Mitsubishi Adventure na minamaneho ni Lemuel Francisco.

Imbes huminto, pinaharurot ni Tan ang sasakyan at sinakop ang kabilang linya ng kalsada dahilan upang ararohin ang kasalubong na apat na motorsiklong sinasakyan ng iba pang mga biktima.

Huminto lamang ang SUV nang sumalpok sa steel roll-up ng nakasaradong Genwin Pharmacy sa harapan ng Bellefonte Subdivision, Brgy. 174, nagresulta sa pagkakadakip kay Tan.

Lumabas sa medical examination na positibo sa pag-inom ng alak si Tan kaya’t bukod sa kasong reckless imprudence resulting in multiple physical injuries and damage to properties, sinampahan din siya ng kasong paglabag sa Section 53 ng R.A. 4136 o ang Driving while under the influence of liquor or narcotic drug sa piskalya ng Caloocan City. (ROMMEL SALES)

About Rommel Sales

Check Also

San Pedro Apostol Simbahan bumagsak

Balcony bumagsak habang pari at lay ministers nagpapahid ng abo sa noo ng mga deboto
80-ANYOS LOLA PATAY SA INAANAY NA PALAPAG NG SAN PEDRO APOSTOL

ni MICKA BAUTISTA at ng HATAW News TEAM HINDI nakaligtassa kamatayanang isang 80-anyos lolang deboto …

Alan Peter Cayetano

Cayetano isinulong maayos na alert system para preparasyon sa banta ng kalamidad

BINIGYANG-DIIN  ni Senador Alan Peter Cayetano nitong Lunes ang kahalagahan ng pagkakaroon ng maayos na …

DENR Sec. Yulo-Loyzaga aprub sa SM-Gunn waste-to-energy partnership

PINURI kamakailan ni Department of Environment and Natural Resources (DENR) Secretary Toni Yulo-Loyzaga ang SM …

arrest posas

Rank 9 MWP arestado sa Valenzuela

SWAK sa loob ng rehas na bakal ang isang lalaki na wanted sa kasong frustrated …

Arrest Caloocan

Suspek sa droga dinakip
PARAK, SIBILYAN KINUYOG NG 8 KELOT  
2 barangay kagawad, Ex-O sabit

PINAGTULUNGAN bugbugin ng walong lalaking kinabibilangan ng dalawang kagawad ng barangay at executive officer (Ex-O) …