Nick Vera Perez iniwan ang pagiging Nurse para personal na maalagaan ang inang may sakit

MATABIL
ni John Fontanilla

NAGING matagumpay ang One Night Only Christmas Dinner Show…Nick Vera Perez Finally…LIVE! ni Nick Vera Perez na ginanap last December 25 sa Grand Hall ng Rembrandt Hotel.

Kasabay ng concert ni Nick ang surprised birthday celebration ng pinakamamahal niyang ina na si Visitacion Tan(Mommy Vi) na naluha sa handog ng kanyang anak.

Marami ang na-touch at naluha nang 

magpasalamat si Mommy Vi sa kanyang anak sa love and support. Iniwan ni Nick ang kanyang profession bilang Head Nurse para personal na maalagaan ang kanyang ina nang magkasakit ito.

At kahit naging emosyonal sa pagsisimula ng concert ni Nick ay nagtuloy-tuloy naman ang saya nang umawit si JC Palanas ng  Pasko sa Pinas at Sana Ngayong Pasko.

Hindi naman nagpakabog si David Briones nang awitin nito ang Bibingka at Officially Christmas. Glamour and sassy naman ang performances na ibinigay ni Lumina Klum.

Teary eyed naman ang international singer na si Nick nang awitin nito ang I’ll Be Home for Christmas dahil after 30 years ay muli siyang nakapag celebrate ng Pasko sa Pilipinas.

Inawit din nito ang Oh, Holy Night, My Reason Is You, I Got Your Love This Christmas, Ikaw Lang Ang Mahal, 12 Days of Christmas, Laging Ikaw, Jingle Bell Rock, Nothing’s Gonna Change My Love For You.

Habang kinanta naman ng kapatid ni Nick na si Michael Philips ang awiting nitong Please Naman. Napasayaw din ang lahat sa kanta ni Hannah Shayne Banzon ng Kumukuti-Kutitap at Give Love On Christmas Day.

Nakadagdag-saya rin ang awitin ng Ivory Recording Artist na si Erika Mae Salas ang Rocking Around the Christmas Tree at The Christmas Song.

Mas exciting pa lalo ang raffle time na may nagwagi ng  cellphone, Luxent Gift Certificate, electricfan, kettle, iron, basket of groceries, chocolates, Wensha GC, at cash na P10K, P5K, P2K, P1K at P500.

Nag-enjoy din ang mga entertainment press na nag-participate sa kantahan, pa-games and raffle. 

Binigyan din ng importansiya ni Nick ang NVP angels sa pamamagitan ng pagkorona kina Ms. Tine Parinas (Ms. NVP1SmileWorld 2020) at Ms. Chung Chai -Yu (Ms. NVP1SmileWorld 2022). Present din si Yadni Gumera Oledom (Ms. NVP1SmileWorld2019 ).

Ang ganda ng flow ng show, digital na talaga ngayon dahil tuloy-tuloy sa tulong ng musical director na si Adonis Tabanda. At maraming napabilib sa husay umawit at mag-perform ni Nick.

Kaya naman sa darating na Oct. 20, 2023 ay muling babalik ng Pilipinas si Nick para sa isang napakalaking concert na kukunin ang Asia’s Songbird na si Ms. Regine Velasquez-Alcasid.