RATED R
ni Rommel Gonzales
INIHAYAG ni Sunshine Cruz kung gaano siya kasaya na magkakasama sila nina Cesar Montano at mga anak nilang sina Angelina, Sam, at Chesca sa Bohol nitong Bagong Taon.
Kasama rin nila siyempre ang partner ngayon ni Cesar na si Kath Angeles at maging si Diego Loyzaga na anak nina Cesar at Teresa Loyzaga.
Sa kanyang Instagram account ay nag-post si Sunshine ng mga larawang kuha sa kanilang bakasyon sa Bohol kalakip ang pagpapasalamat niya kina Cesar at Kath sa napakagandang pagtanggap at pag-aasikaso sa kanila.
Ayon pa kay Sunshine, naging masaya at memorable ang kanilang pagba-bonding for New Year.
“Cesar and Kath, thanks for hosting tonight’s dinner. The girls and I had a wonderful time chatting and catching up with all of you. We’ve missed bohol and masaya kami na nakasama namin kayo dito sa New Year celebration. Happy to see my dive instructor Holger Horn too! Once again, Happy New Year everyone from our family to yours,” ang caption ni Sunshine sa kanyang IG post.
Marami ang natutuwa at humahanga kina Sunshine at Cesar dahil kahit may kanya-kanya na silang pamilya ay napanatili nilang muli ang kanilang pagkakaibigan.
