MA at PA
ni Rommel Placente
MARAMI ang natuwa nang mag-post si Vhong Navarro ng picture ng kanyang pamilya at kaanak sa kanyang social media account. Iyon kasi ang kauna-unahang pagpo-post ng aktor/host matapos makapagpiyansa at pansamantalang nakalaya.
Post ni Vhong, “Napakarami kong pinagpapasalamat. Thank you, Jesus! Happy Birthday!”
Bukod dito, pinasalamantan din ng TV host-comedian ang publiko sa pagbibigay suporta sa kanya at sa mga nag-alay ng dasal para sa kanyang kinakaharap na problema.
Aniya, “Sa lahat ng nag dasal at umalalay sa akin, maraming maraming salamat. God bless!”
Para kay Vhong, ang taong ito ang maituturing niyang pinakamasayang Pasko dahil kasama niyang nagdiwang ng Kapaskuhan ang kanyang pamilya.
“Blessed Christmas sa ating lahat! Pinakamasayang Pasko kasama ang aking pamilya at mga kaibigan.”
